كم حزن مر بشعوري وانتهى بعيني =وكم هم حاولت اقوله بس ماقلته
اللي بقى من وجودي مايكفيني =واللي بقى في خيالي حلم ماطلته
لو العمر يرجع وترجع لي سنيني =رجعت للصح في عمري وكملته
ماعاد به شي في الدنيا يسليني =حتى الامل حاصر احزاني باسئلته
النود تاخذ من احساسي وتعطيني =واحساسي المتقد بالحزن كبلته
كم كلّ متني ورجلي ماتوديني = الدرب طوّل وعبء الغد ماشلته
ما أعرف من الراحه الا راحة يديني =اللي زمام الأمور بحلمي اهملته
لقيت فالليل ليلً مايسريني = ولقيت فالصبح صبحٍ ماتأملته
سافرت لجل السفر يخفي عناويني =وباول محطه نقيض الضحك قابلته