سلام مني ياصحيبي عد مابان الهلال=وانا اعرف انك كل ماثارت لك حصان ٍ سبوق
ياكبرها ياصغرها بين الحقيقه والخيال=ركب الرديف وحول الي قبل خيال السبوق

يامرحبا حييت واقلط يارجل بين الرجال=ماقدمك الا ربعك العتبان برقا ضمن روق
العام في مقدامهم واليوم مالك من مجال=اطلب ولي الكون تاضح فالسماء نوض البروق

البرق لابده يشاف ولا على الدنيا محال=وان ضاع مرياع الغنم راحت ضحيه للسروق
ان كان لك قلب ٍ شجاع اليا زمهنا لك تعال=شمر عن ذراعك وعد العلم كاننك شفوق

ترا الوعد بعدين لاجينا على العد الزلال=في ساعة ً تعطي حقوق القوم ماتعطي حقوق
اليا زهمتوني على وضح النقى جبت الحلال=لاكن عمك له طبيعه في مواقفنا يبوق

لاتحكم الميقاف وانته تشرب الماء فالضلال=اليا أستعزت واحتمت لابد مافيها فروق
اسلالة افراس ٍ تخللها يابن عمي خلال=تجيك عشرتها دمار واحد ٍ فيها يفوق

انا احمد الله مستريح وعايش ٍ في خير حال=وانتم جملكم صوبكم نابه تعدا للشدوق
عسى الشريده للفقر والا عساها للزوال=حتى يبين الحق مثل الصبح في وقت الشروق

المصدر: الملتقى الجماهيري للشاعر محمد بن فطيس المري