الملتقى الجماهيري للشاعر محمد بن فطيس المري - عرض مشاركة واحدة - يانور عيني لاتصيحين تكفين..قلبي على دمعك تقطع فتاتي

الاوسمة · #1 02-24-2011, 03:32 PM

يانور عيني لاتصيحين تكفين..قلبي على دمعك تقطع فتاتي

السسلام عليكم..

شخباركم؟

احب اقدم لكم قصيده جديده لي يارب تعجبكم..

عنوانها(يانور عيني)

يقول:

يانور عيني لا تصيحين تكفين
قلبي على دمعك تقطع فتاتي
دمعك يشق الخد نصين نصين
يمشي كأنه دجلة(ن)والفراتي
منول اصبح بأتصالك وذا الحين
اسهر طوال الليل جالس احاتي
اقوم وتوضأ واصلي ركعتين
وادعي عسى ربي يجيز إدعواتي
خمد همومن تشتعل كالبراكين
وإجمع اماني قاربت للشتاتي
وإجعل لمحبوبي بحياته طريقين
اما سعاده او سعاده وغناتي
ولون حياته بالوناسات تلوين
خله يبات ويهتني بالمباتي
وأبعده ياربي عن اللي بوجهين
واللي هروجه ناشبه باللهاتي
وزين طريقه للمعاليق تزيين
واجعله الاول بين زين البناتي
وخله يحب اللي بحبه مجانين
عالم تحبه للشقا كارهاتي
بدعيك ياربي مجيب المساكين
تجعل لعبدك تحت يدك نجاتي
وانجز صلاتي واتجه للدواوين
واكتب بيوتن للمها مرسلاتي
يازهرن ابيض وسط سود البساتين
فرقك ربي عن جميع النباتي
منزلك وسط القلب لالا تخافين
قربك ووصلك غايتي وامنياتي
ولاماكفاك القلب حياك بالعين
كلي انا مملوك لزين الصفاتي
اخر مراسيلي من الراس بيتين
وابغى انتباهك لي على ماهو آتي
الحزن نقطه ضعف وحنا قويين
نجعل دروب الحزن تحت الوطاتي
بطلبك وانتي لطلبي ماتردين
تكفين كفي دمعتك ياحياتي

وسلامتكم

انتقادكم يالغوالي اساس النجاح

لاهنتم كلكم فديتكم

المصدر: الملتقى الجماهيري للشاعر محمد بن فطيس المري