الملتقى الجماهيري للشاعر محمد بن فطيس المري - عرض مشاركة واحدة

الاوسمة · 09-21-2012, 10:24 AM

ياقبر جعل مروح الغيث يسقيك ..
يسقيك ربي من صدوق الخيالي ..
ماهو عشانك عشان راعيك..
انشهد ان اللي نزل فيك غالي ..
يحدني وقت من الضيق واجيك..
واجلس على جالك وحيدن لحالي ..
صحيح ماحبك ولا حب طاريك ..
لنك تضيق وسع صدري وبالي..
لكن ياقبر أغليك من واحد(ن) فيك..
وجدي على شوفه ويابري حالي..
ليتك يابــوي مع العرب حي وأرجيك..
لو غبت عن عيني سنين طوالي..
ليتك تجاوبني ليا قمت أناديك..
وأشكي عليك صدوف سود الليالي..
شالوك من عندي وأنا قمت أباريك..
هاك النهار الصبح ياشين فالي..
شالوك يابويه وعيني تراعيك..
وحطوك في قبرن وحيشن هيالي
وعيوني الثنتين هذي وهاذيك ..
استرسلت بالدمع مما جرالي
لوتنفدا بالروح والمال لفديك..
ماهو خساره فيك حالي ومالي..
الموت لو خيرني أنه يخليك..
ويأخذ بدالك واحد من عيالي..
وربي لابيع ماأملك وأشريك..
ربيع قلبي يوم أشوفك قبالي..
لو طالت الأيااااااااام ماأني بناسيك..
مرحوم يأأعـــز الرفيق الموالي..
مرحوم ياعــود تقافت خطاااااويك ..
عليك صدري ضاق وأنا شمالي..
ماني بـ ياعيني عن الدمع ناهـيــك..
مدام يصلاني من الهم صاااااالي
أبكي على حاظر زمانك وماضيك
وعسى العوض في مقبلات الليالي..