السلام عليكم ورحمة الله وبركاته
اقدم لكم قصيده كتبتها في ساعات من يوم أمس
بعد ماوصلتني رساله تتحدث عن أبناء قامو بضرب ابوهم
وكانت من اصابات الأب كسر في احد ثناياه
وأتمنى أن تنال رضاكم
يالله ثبتنا على العقل والدين=ويالله جنبنا عيال الحرامي
اللي جهل مايعرف الزين والشين=ولا قال كلمه ماهو قد المقامي
والمرجله صعبه على اللاش والبين=وان جابها ما غير هرج وكلامي
وحسبي على اللي يضرب ابوه ويهين=الشايب اللي ماقوته العظامي
تناوبو فيه العيال المجانين=وزادو عليه بكسر سن (ن) امامي
يامن وطيتو براس ابوكم على الطين=أقلوبكم وعقولكم في ظلامي
ياشايب (ن) جارو عليك البزارين=الشرع عندك واشكهم بالنظامي
وسلامتكم
معنى كلمة البين / اي الغراب الأسود الذي يأكل الجيف
