هاض الخفا فيضان طشّر ثراها = شعر ٍ كثيف ٍ ماطرات ٍ غيومه
من شاعر ٍ لو هو بداها بداها = من مبتداها تنتهي له علومه
بعض القصايد وش بلاها بلاها = في مبتلاها ناقصات امحرومة
اقرا وانا استغرب اللي قراها = وش لون يمدحها وهي قشّ كومة
لكن ياصدق المثل في طراها = القرد جوهر في عيون الامومة
عيني قرت واللي بكاها بكاها =شعر جزيل ٍ ما ترى فيه سومة
متميزة لكنّ محدن يراها = اخفيتها عن كل عين ٍ ظلومة
اخفيتها للي درى مستواها = نجمة على وجه الليالي امرسومة
تمشي كما مشي القطا في حلاها = كنها اذا اشتد الوطيس امحزومة
جزلة ومن راس الجزالة مداها = حتى الى روس الجبال امخطومة
خطيت مني اقصيدة ٍ في ذراها = هبة نسيم امذعذعات ٍ نسومه
بعض القصايد من قراها هواها = والبعض لو تمدح تراها امذمومة
امجلامات البعض تمشي وراها = خدّامها و يا حظها اللي امخدومة
