الله على فرقاك والله على الصدّ = يا قاطع ٍ ايد الوصل بانفصالك
ان كانت احجار الهجر مالها سدّ = ارجم عسى دمّي يجيلك لحالك
اتعبت عيني نومها سهدها ضدّ = واتعبت شوقي عاشم ٍ في وصالك
الجزر شوقي و الوصل شكله المدّ = وانا سفينة واقفة في سؤالك؟
يا ليش تتركني وانا ما ليا حدّ = والقلب يسأل يا الغلا كيف حالك؟
هل بعدك بخير وسهالة ابا ردّ؟ = آنا ف رجى شوفك و صوت اتصالك
صقّار هجرك ما بدى حرّه الهدّ = حرّ الوصال اللي يحوم ف مجالك
قد يوصلك دمعي وقد يوصلك قد = جثّة فؤاد ٍ مات يرجي مآلك
يجزيك ربي بخير يا مايس القدّ = وايحسسك كيف اللظى في انعزالك
لمّا رحلت بهودجك صحت عن جد = ياليتني كنت ارتحلت ف رحالك

المصدر: الملتقى الجماهيري للشاعر محمد بن فطيس المري