هو يهتني في دنيته كل حزات=وانا اتحرى كل ليلة زواله
تعبت اعايش في هواه الخيالات=وهو مبعد عني ولاني فباله
ياما صبرت وذقت منه التنهات=وهو هو والله باقيٍ مثل حاله
مغير يقطعني انا بس بالذات=وغيري يجيه ويهتني من وصاله
الله يهون حزة الضيق لاجات=والله يسامح من ملكني خياله
من سبته قمت امسح الدمع بسكات=واكفكف اجروحي على باب جاله
من خوف لايظحك عذول بتشمات=ويفرح على اللي قد يبيه وسعاله
فارق حياتي لكن الحب مامات=على الوفى والعهد قد هو بقاله
لو هو يخون الحب مره ومرات=ماظنتي برضى عشيقٍ بداله

المصدر: الملتقى الجماهيري للشاعر محمد بن فطيس المري