بسم الله الرحمن الرحيم
كل عام والجميع بالف خير
هذي ابيات جديده متواضعه اتمنى أن تحوز على رضاكم
تعال ماباقي مشاريه وأعتاب=هذا خفوقي بيح الوقت صبره
عامين غادي في متاهات كذاب=خابرك صادق بس مافيك دبره
مدري التغلي فاتحاً للهجر باب=ولا الهجر يغرس على حبك ابره
غير انتبه مايجرح اقلوب الأحباب=الا كسر قلباً صعب فيه جبره
ألفت في حبك من اشعاري اكتاب=حتى القلم شاعر والابيات حبره
القلب ماحبك عشان انت جذاب=يمكن هواء فالحب من دون خبره
ياجعلني ماابكيك لاتذكر اسباب=اسمع قصيدي بالحزن فيه نبره
ايوالله ان القلب مخنوق منصاب=والجرح ماحدد لي الوقت كبره
غير انه اللي شال همه ولاغاب=من يوم شافك منت باقي ابخبره
اخوكم هياف السبيعي
