[youtube]

والله كان ارحم رحيلك في سكات=مــِـن تعتذر لي عن غرامك في برود
سهل اعتبرني مثل ما الماضي ومات=ما ظن ماضي يوم باطلاله يعود
او مثل حالم يعشقك بالامنيات=يسبح معاها في متاهات الخلود
او مثل هاجس يستفز الشاعرات=ويعوم فوق امواجها والجسم عود
اطرب جروحي من حروفك زيد هات=وامسح بكفك كل شي بسم العهود
لا تبعثر انفاسك وانا كلي شتات=دام الندى مزّق شرايين الورود
ما دام حبي بالاخير امسى رُفاة=اعذر عيوني لا بدى فيها الجمود
اترك لي دروبك مع كل الجهات=وخلي الاقفال تبقى بالقيود
دام المشاعر فوقها تلبس عباة=تلقى حنيني في دهاليزك قعود
حبك وكان بدنيتي كالمعجزات=واليوم اسرار القسى بسمك يجود
صمتي تنافر كالحصى فوق الفلاة=مثل المطر هرّول من اصوات الرعود
بعدك انا ما حس للدنيا حلاة=ولا حس غير القهر لا شفت الحقود
يا صاحبي ودي من اغصانك عصاة=اسند .. بها احزاني باوقات الشرود
ليت الاماني جسر من فوق الفرات=كان السفر يكتب مسافر ما تعود
هذا انا حي(ن)و روحي في وفاة=بين الزوايا ضاق بي كبر الوجود
لا تفكر اني بعدك اهوى للحياة=للحين قلبي طفل عن عشقك يذود
ما زال ريقك خمرته بين الشفاة=ما زلت احبك لين تطويني اللحود

المصدر: الملتقى الجماهيري للشاعر محمد بن فطيس المري