رد: موطن كلمات المنفى
الناس تنشدني وانا اقول مدري
تقطعت عني توالي اخباره
غير الجدي في موقعه مستقري
يشكي غياب سهيل فاقد زهاره
وان قيل وش عذرك عنه قلت عذري
أبيه دايم في مكان الصداره
يممّت للقبله ونحّرت صدري
يمكن تجيني من هبوبه زياره
الكوكب اللي لاسرى الليل يسري
الناس ماتقدر تغيّر مساره
ياليل تو الناس والوقت بدري
أوجعك مسرى المغترب عن دياره
الوقت باعمار الرجاجيل يجري
ومن لا غنم وقته يضيع بخساره
<<،،
|
