سقط حكم الغرام وضاعـو الحـرّاس

.. .. .. .. .. .. .. . .. .. .. .. .. .. .. من ديـار الوفـا والحـب والتقديـر

بقلـبٍ مـا بقـى لعروقـه اليـبّـاس

.. .. .. .. .. .. .. . .. .. .. .. .. .. .. سوى .. حزن وهموم وضيقه وتفكيـر

دروب الحبّ ظلمـا والوفـا نبـراس

.. .. .. .. .. .. .. . .. .. .. .. .. .. .. وحظوظ الناس تجعل مايصير .؟ يصير

وانا حظي شجر واحداث عمري فاس

.. .. .. .. .. .. .. . .. .. .. .. .. .. .. ويدين الوقت ما ملّت مـن التكسيـر !

من أول كنت [ انا لك يا بريق الماس ]

.. .. .. .. .. .. .. . .. .. .. .. .. .. .. قبـل لا اميّـز انّـك تعشـق التغييـر

عقب ماهب من بـرد الغـدر نسنـاس

.. .. .. .. .. .. .. . .. .. .. .. .. .. .. من اغصان الغلا والشوق طار الطيـر

لو انّي في عيونك غيـر كـلّ النـاس

.. .. .. .. .. .. .. . .. .. .. .. .. .. .. شعرت انّي بعينك وبضميـرك غيـر ؟

دموعـك ردهـا لعيونـك النـعّـاس

.. .. .. .. .. .. .. . .. .. .. .. .. .. .. ترى ماعاد لدموعـك علـي ، تأثيـر

عطيتك كل حاجه وانت باسـك بـاس

.. .. .. .. .. .. .. . .. .. .. .. .. .. .. تحب اتخون لكـن مـا تحـب اتغيـر

تعبت اجبر مشاعـر قلبـي الحسّـاس

.. .. .. .. .. .. .. . .. .. .. .. .. .. .. وتعبت ادلّلـك خوفـاً مـن التقصيـر

جلست اشوف لأسباب الخيانه ساس !!

.. .. .. .. .. .. .. . .. .. .. .. .. .. .. بأبرّر لك ولا وافـق معـي تبريـر ؟

تقول تحسّ ..! والله ما معاك احساس

.. .. .. .. .. .. .. . .. .. .. .. .. .. .. حقيقه بس سامحنـي علـى التأخيـر

بعد ما صاب قلبي من غرامـك يـاس

.. .. .. .. .. .. .. . .. .. .. .. .. .. .. لزوم اسوق رجلي واذكرك بالخيـرّ !!

بقلم الشاعر ماجد الشيباني