ليل الهوى بحري

حبك زرعته في خفوقي بـذره .... لين انبتت بـ ارض الخفوق زهوره


لو من حدايقها قطفتي زهـره .... تعطـرت مـن طيبـها المعمــوره


مـثلك نعـلّي بـ الضماير قدره .... ياالعاليه بـ المستـوى المغمـوره


لوآما قضا شاعرك منك وطره .... يكفيه غاص بـ عالمك وبحــوره


ما زال بيّـه من نبيذك خدره .... وقت انـدماج ارواحنا المخطـوره


ليل الهوى بحـري وكنتي القمره .... ليله خـرافيه بـ لـون اسطـوره


كنتي سحابه بـ السخا منهمره .... اروت صحاري خافقي ودهوره


لا جاب طاريك الشعر يافخره .... منك لبس تاج الشرف بحضوره


يا جوهر الشعر المصفى بحره .... الشعر يزهى في حضورك نـوره