الملتقى الجماهيري للشاعر محمد بن فطيس المري - عرض مشاركة واحدة

#1 05-23-2018, 03:39 AM

علاج روحك

.
.
.

ما كل من يضحك بوجهك يحبّك
تضحك اوجيه أقوام وقلوبها سود

كم ضاحك قدمك اليا غبت سبّك
لو يعجبك هرجه اليا صرت موجود

ترك الردي علاج روحك وطبّك
وملايمه ذله وشرهه ومنقود

طبع الردي وقت الشدايد يكبّك
مثل السحاب اللي بلا برق ورعود

خل اعتمادك واتكالك بربّك
واحرص على خوة هل الطيب والجود

ماهو بخبل لو تلقيه لبّك
تلقاه دايم قاصر العرف محدود

لا من بغاك بحاجة له نشب بّك
وليا بغيته قدمك الدرب مسدود

صداقته لا صار مليان عبّك
وليا فضى عبك تجنبك بالكود

يوعد ولا واعد بوعده كذب بّك
ما له مواثيق مع الناس وعهود

يا اللي بذرت بصبخة الارض حبّك
ما تدري ان المصبخة ما بها فود

مجلاسك بجو هبوبه تهبّك
يغنيك عن مجلس به انذال وحسود
.
.
#شعر

مشعل بن شباب العتيبي

.
.
المصدر: الملتقى الجماهيري للشاعر محمد بن فطيس المري