السسلام عليكم..
شخباركم؟
احب اقدم لكم قصيدة لي
واخص منتديات ابن فطيس بهآ قبل الكل
ويارب تعجبكم..
عنوانها(درب القطاعة)
يقول:
درب القطاعه يشمل قلوب غالين
قد قيل لي لكنني كنت ضدهـ
ودارت بي الايام يومً ويومين
وبديت اميل إلها ميولً بشدهـ
واضمّد جروح الحشا مالي معين
والخافق الي جاه كفى وسدهـ
بديت افكر ليش انا اغلي لهالحين
واعطي دليت من الغلا والمودهـ
للي عطوني إكس من عدة سنين
كنت ارتجيهم رجوى من باح سدهـ
واقفت حياته يدمح الدين بالدين
دينه يحده والليالي تحدهـ
مثله مثل قلبي جفوه المحبين
وانا الجفا مانيب والله قده
في داخلي حزنً يكفي ملايين
للي علي اقفوا وغابوا بمدة
وآخذ مع الهاجوس بوح ودواوين
اكتب غلاهم والوفا فوق خدهـ
ويرد هاجوسي يااوفى الوفيين
ترجي وصال الي بخل لك بمدهـ
وانت تعرف يومه مشى ناوي الشين
وطالت بك الايام ماشفت ردهـ
الثقل يبقى زين ياعاشق الزين
من راح خله لليالي تردهـ
لو كان قدره داخل القلب والعين
ترا الجفا يمسح غلاه ويهدهـ
خذها نصيحة حطها بين قوسين
واتبع كلامي زين والشين عدّهـ
لو كان يغلي قلب مغليه بيلين
ويرجع لوصلك مايطول بصدهـ
وان كان روّح عنك ما جاك بعدين
خله يولي عنك مرواح جدهـ
يوم إغرقت بالسيل كهل ووراعين
ولالقت كف بغرقها تشدهـ
هم دمروها دون جيش وميادين
الموت جاهم وانت موتك لابدهـ
بس اسمع الي قلت ياعاشق الزين
واعلن صدودك للي قد طال صدهـ
وسلامتكم
ارحب بأي نقد واي رأي
واتمنى ردودكم وتقييمكم لها
رائد
