يالغضي ما غير شوف وحر جوف=خل سلامي من بعيد الى بعيد
يوم اقوله والله ان ما هو بخوف =لكن الشيمة لها عندي رصيد
ما اشين الفرقى وانا عيني تشوف =وما اشين الذلة وانا قلبي حديد
ما مضى فالوقت ما هو بـ مخلوف=وكل ما قد فات يمحيه الجديد
خابر ان قفايته ما هي بعوف =غير ما جاته على ما هو يريد
كان وسط القلب ممنوع الوقوف=وانت جيت وضاع قانون" تليد
ان نشدته قال لي هذي الضروف =يتغلا وهو يخابرني عنيد
الغلا زاهيك يا زين الوصوف =يا خشيف الريم يالزين الفريد
زاهي الحنا مقاديم الكفوف=يا حسين الوجه يا عنق الطريد
يا نحيل الخصر ريان الردوف=يا ابليس الحب شيطانك مريد
والله لولا خاطرك ان قد يشوف =من يحجرك صادق الموت الشديد

المصدر: الملتقى الجماهيري للشاعر محمد بن فطيس المري