الملتقى الجماهيري للشاعر محمد بن فطيس المري - عرض مشاركة واحدة

الاوسمة · 04-25-2011, 12:34 AM

اقتباس

المشاركة الأصلية كتبت بواسطة الهــــــــوى


	نأتي لمحــــور حديثنا ...نقطه تحول وكل إنسان يمر بمرحله في حياته وتكون بمثابة نقطة تحول تغير حياته كلها وتقلبها رأسا على عقب تغيره إما إلى أفضل حال أو إلى الأسواء وهي أولا وأخيرا تمثله ذاته وشخصيته تمثله كعضو من أعضاء هذا المجتمع وتكون شاهدة عليه الى نهاية حياته السؤال هنا ؟؟؟ ماهي نقطة اونقاط التحول التي حصلت في حياتك؟؟ وكيف كانت نتائجها ؟

نقاط التحول في حياتي كثيره
يمكن النقطه اللي للحين في بالي ومسببة لي " فرآآآغ "
هو " عدم إكمال دراستي "
السبب : لاني دشيت تخصص مابيه ولآ أحبه ولاكان في بالي !
كنت ابي تخصص حقوق أو تخصص اجتماعيات !
هـ التخصصين كانت في " جآمعة الكويت " فقط
وجآمعة الكويت " إختلاط " فـ ماقدرت اني اقدم ع الجامعه
ونسبتي كانت ادخلني الجامعه عادي , لكن مسألة اني ادش جآمعة لاعندي ولاعند أهلي
" سهله " !
توكلت على الله ودشيت " كلية التربيه الأسآسيه تخصص تربية إسلاميه "
درست فتره ماهي بـ طويلة , ووقفت قيدي , ع اساس بريح شوي لان نفسيتي وقتها ماش
عقب " قررت اني أطلع من الكليه " واشتغل بشهادة الثانويه

(( هذي الحين تعتبر اول فشل لي ))
عقب فتره قدمت على كذا وظيفة .. ولاقبلني إلآ دار المُسنين او العجزه
طبعا ً سكرتاريه في دار المُسنين !
قبلت فيها وأهلي كانوآ مترددين فيها ! .. داومت تقريبا ً اقل من اسبوعين
في مكاتب خاصه وماهي حول العجزه نهايا ً شؤون إداريه
بعد فتره جات السكرتاريه " دورة تمريض " وهـ الدورة لو خذيتها
راح اصير تبع مراقبة السسترات والعجزه اكتب " تقارير " وش صار اليوم وكل شي بالتفصيل
وترفع للإداره لوصار شي مع رفع الراتب !
خذيت دورة تمريض 3 شهور وكنت مبسوطه وحسيت اني بسوي شي وانجاز ولي اجر

المهم بعد فتره نجحت في الدورة .. ونقلوني من قسم السكرتاريه والشؤون الإداريه
إلى المراقبة
وتحسفت اني خذيتها شفت اشياء في دار العجزه تعور القلب

اللي ينادي عواله , واللي يبكي مايبي ياكل , واللي مايبي ابر السكر , واللي مايبي يبدل ملابسه !!!
وحاله .. ماكنت أصدق المُسلسلات وحس كل شي مُبالغ فيه !
بعد اللي شفته صدقت

حاولت اني اقوي قلبي واتقرب منهم واسوي لهم جو بدال هـ الضيق اللي هم عايشين فيه ومعيشيني فيه !
طبعا ً ماكان وياي ولاكويتيه إلآ ممرضه وحده والباقين كلهم هنود وفلبينيات
اتفقت مع الممرضه نسوي لهم جو
كل وجبه يجلسون اللي في العجزه في القاعه الكبيره !
وكل عصر لهم " قهوه العصر "
>> كان دوامي شفتات من 7 إلين 1 ومن 1 إلين 5 ونص
وياكلون مع بعض .. بس ابيهم يشوفون بعض وترد لهم الروح
لأنهم كانوآ " شبه معزولين " بس كل شايب يطل على الشايب اللي جنبه وكل عجوز تطل على العجوز اللي جنبها
شي وربي يعور القلب !
يوم من الأيآم تعلقت في عجوز تهبل .. لدرجة اني كل ماصار لي وقت فراغ
اروح لها " هي صاحيه " ولآ هي " مخرفه " مره وحده !
وعوالها يجونها بين فتره وفتره ! < مدخلينها في الدار بواسطه

!
الموهيم
يوم من الأيآم كان عندي وقت فراغ
جيت ابيها ابي اقعد وياها قالوآ لي توفت !
حزنت وتعبت نفسيا ً لاني تعودت عليها وحسيتها من اهلي وربي

وانا اصلا اروح لدوام عادي وارجع كل يوم " أبكي " واخواني زهقوآ مني ههههههههه
ويوم ماتت العجوز " صملوآ اخواني " وقالوآ خلاص معد فيه شغل !
كل يوم بكآء وحاله معد فيه " دوام " ولاانتي بحاجه شغل بخير ونعمه !
(( وهذا الفشل الثاني في حياتي اللي كنت متأمله شي كبير من خلال هالوظيفه مع انها عاديه جدا ً وبسيطه مره ))

وهذا انا قاعده بـ البيت لاشغل ولامشغله ولاعوال ولاحاجه هههههههههه
اللي بقولة : الشهاده زينه مهما كان التخصص .. لو انا مكملة في تخصص التربيه الإسلاميه
كان انا الحين " ( أبلة ) مُدرسة تربيه اسلامية "
لكن الحمدلله على كل حآل
وكملوآ دراستكم لحد يسوي مثلي هههههههههه