يطول الليل في عين الحزين الضايق المهموم
.. .. .. .. ويثور الياس في قلب الحليم .. وترخص الدمعه

ويموت الحلم قدام الوحيد ..العاجز..المضيوم
.. .. .. .. .. إذا نادى بصوته ثم ثناه و ما حدً سمعه

وجودي وجد من خلوه ربعه في نحور القوم
.. .. .. .. قده يبغي السلامه .. عقب ماهو يبي الطمعه

يقولون الهوى لعبة قلوووب .. و صاحبه محشوم
.. .. .. .. وأنا أقول أشهد أنه ماصدق من قال ذا الرمعه

لقيت الحب نار ٍ بـ الخفوق و خنجر ٍ مسموم
.. .. .. .. و مجموعة جروح و هاجسٍ يذبح و كم دمعه

إلا منه طرى لي ما طرى لي قلت صح النوم
.. .. .. .. يا قلبٍ فاته اللي فاته .. ولا يمكنه جمعه

ولا منها طرت لي قصة الظالم مع المظلوم
.. .. .. .. طلبت اللي دبيب النمل من تحت الصفى سمعه

ياربي جعل بكرة مايجيب الهم مثل اليوم
.. .. .. .. عسى هم الخميس يفكني منه ضحى الجمعه
.. .. .. .. ..