ماعـاد يرضينـي وفــى ولا يزعلـنـي جـفـى
...............................................متساوي فـي خاطـري ظلـم العـرب وانصافهـا
ولا تاقف الدنيا علـى شمـع الغـرام اللـي طفـى
.............................................بعـض الشمـوع انـا اتعمـد كسرهـا واتلافـهـا
من اول لخفيـت لـي علـم عـن النـاس اختفـى
.............................................واليـوم هـذي حالتـي مابـه حـد مـا شافـهـا
قعدت احسب وش ربحت ووش خسرت ووش صفى
.............................................ياحـي روس اموالنـا قبـل الطـمـع باضعافـهـا
تعبـت ادور فالقـلـوب الـبـارده ليـلـة دفــى
...............................................والقـى استغـلال النفـوس وكذبهـا واجحافـهـا
حتى اقرب العالم لو يوقـف معـك وقفـت وفـى
...............................................اصبـر وتـدري وش دوافـع وقفتـه واهدافـهـا
عاد انت يالوجه الجديد اللي تبـي وصـل وصفـى
...............................................حبال وصلك شـوف لـك نـاس تمـس اطرافهـا
انـا علـى موعـد مـع واحـد وكانـه مالـفـى
............................................ما عاد ابي عيش مـن السنيـن سمانهـا وعجافهـا
لاني عقب مارمش عينـي صاحـب النـوم وغفـى
............................................حلفت مـا رده علـى اشيـا مـن عرفهـا عافهـا
العشـق وامـراض المحبـه واستحـالات الشفـى
............................................واغلـب علاقاتـي مـع العالـم اشـوف انكافـهـا
وذالحين عـن اذنـك وسامحنـي اذا لسانـي هفـى
.............................................نفسيـتـي ماعـادنـي بـقـدر عـلـى لطافـهـا
والموعد اللي كنت قبل شـوي جالـس لـه عفـى
...............................................ما جا ودقايـق موعـده راحـت وقدنـي خلافهـا
