البارحه ما مسيت والناس ممسين
عّود على عين المعناء عناها
ولا هت انا بالي مع اللي هنين
ما يستريح وراحته ما هناهاآ
اسباب من حالوا وعنا مقفين
آقفوا وانا همومي يومي رشاهاآ
اقفت ركايبهم عن الدار ناوين
دار(ن) بها وسم السويبع وطاها
شّدو وقفو وبعدو كامل الزين
يم الديار اللي بعيد(ن) مداها
غابت ركايبهم وغابوا عن العين
والعين هلت دمعها من بلاها
كانو على عد(ن) بقربه قطينين
واليوم جف قاعها ما رواها
قمت آتذكر دار(ن) فيها مقيمين
واليوم مطروق الهبايب سفاها
ياليت ربي ماكتب للمحبين
فرقا وحب قلوبهم قد محاها
اوليتنا عقب المفارق ملاقين
آبل كبد(ن) ضاميه من ضماها
اهون من اللي مالها مداوين
داها على آهل الطب يصعب دواها
