لا ضاقت الدنيا عليك .. وتشاويت=خلق الله اللي في الرخا كان واجد
ومن العرب والصوت والثوب [ مليت ]=وقامت عليك { هموم بقعا } تراجد
فارفع يديك لخالقك لا توضيت=وادعو تراك اقرب الى صرت ساجد
ووقت من أوقاتك للأوقات توقيت=وسجل لنفسك في ( المساجد ) تواجد
وأبشر بفزعة حامي الدين والبيت=إلى هجدك من الهواجيس هاجد
اللي يميت الحي ثم يحي الميت=ولرضاه شف كثر البشر في المساجد

يابو حمد .. كفيت والله ووفيت=قولك صحيح ولو يلاجد ملاجد
يا مسلم / اسمع علم من صار له صيت=و أقضب نصيحة واحد لك مناجد
لى ضكتك دنياك / خل التناهيت=إنص الإله اللي على الخلق [ ماجد ]
تراك لى منك ذكرته و صليت=لك ركعتين و الخلايق هواجد
{ تفرجت عنك الكروب و تسليت=وقامت همومك في عيونك تباجد }
واعلم ترى المغبوط في الناس وبخيت=( اللي تعلق خافقه بالمساجد )

المصدر: الملتقى الجماهيري للشاعر محمد بن فطيس المري