انا ليّ زمان ادراك ماهو عشـان ادراك
على شان بعض وجيه تحكمني اللِزمـة
انا لي بياض الوجه ؛ ياللي حنس غدراك
يشكّل على وجهك معَ عصبتـك أزمـة
انا خطـوة منـي تعـدا جميـع خطـاك
انـا همتـي عليـا وهمتـك منهزمـة
اذا الله عطانا عمر وانـدارت الافـلاك
أعلّـم مثالـك كيـف اقيـده واخزمـه
كثيرين منهم مثل طبعك مثـل شـرواك
تبيع الثوابت كـل مـا شافـت الرزمـة
يقولون قـولٍ بالفهانـي بـدون ادراك
وتفضحهـم الأيـام لا جـات محتزمـة
على الغافليـن حلوقهـم فالقفـا نُسـاك
إلى سجّ لاول ؛ جالـه الثانـي يعزمـه
عروض الخلايق في فمك مثلما المسواك
حطب في حسابك وانت بلسانك الكزمـة
تعادل يمينك فعل مـا حاشتـه يسـراك
وطال الزمن ماجبـت عـودٍ ولا حزمـة
أنا خابر اللّي خابـره وانـت مايخفـاك
مثالك على شيام العـرب مالهـا لزمـة
تراك تعرفني ؛ بس خنس لـك وغـراك
قرين معك عشمـك باحلأمـك القزمـة
تطاول بقصرك يا ضعيّف على عميـاك
مع إن الحقيقة تنصفك ؛ بالكثـر (؟؟؟)
