يابنت محرج من سؤالك ومحتار=كيف الاجابه لوتجي من لساني
حنــــا عــــرفنا لعبة القط والفار=ومــاني بالاول لاء ولاني بثاني
ومحمدبن فطيس شاعر وبيطار = ويني ووينه صدق شعري كفاني
موصل مواصيله ورى كل مشوار=فرق الثريا عن الثرى شي عاني
محمد ليا منه كتب بيت تندار = كـــــل القـــوافي والدرر والمعاني
شاعرعطا للشعر قيمه ومقدار=وشاعر يزلزل بالقـــــصيد الغواني
اما انا لوقلت بيتين تنهار = من سؤ وزن القافيه مـــــن قــــراني
حتى لواظهربين الاعلام وشعار=محد التفتلي ومادروا وش مكاني
هذا جوابي دون لفـــه ومعبار= وكلن على قدة يــــجر السواني
والمعذرة يا بنت وافين الاشبار= ذا مستواي اللي انا الله عطاني
