الملتقى الجماهيري للشاعر محمد بن فطيس المري - عرض مشاركة واحدة - القصائد المنشوره بأسم الشاعر محمد بن فطيس .. هنـا الحقيقــــــــــــه

03-29-2011, 04:20 PM

القصيده ليست للشاعر محمد بن فطيس

يا عاذلي عرّضتني صالي اللوم ..
شويتني؟..جعل المرض ينفخ شواك؟

قد لك سنه... تنفث على صدري سموم
تبغي تميت الحب... لكنّه اعياك

والمشكلة... انك قريبٍ ومن قوم
لولا غلاهم كان شيّنت ممساك

والسمع ..عن عذلك مرقّم و مختوم
مختوم بالظن الحسن... عن دعاواك

ودام الحبيب بواجب وصاله يقوم
ما همني لومك و كيدك و شكواك

الوصل ...قوّى فيني آمال و عزوم
و أنعش عروق القلب... وآذاك و اذواك

والا الجفا ...في منطق العشق مذموم
لانّه يْعَـــدْ أقـــصر طـــريقٍ لمســـعاك

و يا قلب ...ياللي من ,جفا الزين, محروم
جعل الولي من لوعة البين ياقاك

اليوم جوّك صافيٍ ما به غيوم
وبكره مَ نعلم يمكن تغيّم أجواك

يمكن تِخِيل غيوم فرقا ..على يوم
شدّة دويّ رعودها.. تجلط دماك

وتمطر عليك آلام و احزان و هموم
تِنبِت على قاعك من الضيقة ..اشواك

و تصبح خراب ...وينعق بداخلي بوم
يسكن ضلوع الصدر... ياكل بقاياك

يمكن؟ ...ولا به في الهوى شي مجزوم
"واللي يصيبك لو تتقيت ما اخطاك"

ويا زين... حبي لك على اللوح مرسوم
و مدري اذا مكتوب في اللوح فرقاك

خايف... فراقك في قضا الغيب مقسوم
فعاون دعاي برد فرقاك...بدعاك

والله يعافيني ويستر علي دوم
من صدتك يا سيّد الغيد و جْفاك

القصيده ليست للشاعر محمد بن فطيسقصيدة البارحه ضيقه وذالليل ضيقه للشاعر حمد بن فطيس والد شاعرنا حفظهما الله

البارحـه ضيقـه وذالليـل ضيقـه
والقابله نرجـي مـن الله فرجهـااا
ماهـو بـوالله حـر فرقـا عشيقـه
وشوق ال سوالفها وشوق ال غنجهاا
ضيقه الى جات الفتى نشـف ريقـه
تغير با العاقل وهـو مـا سرجهـاا
لااقفت تقول ان تـو عينـه امفيقـه
مثل الحيا لاهـل مـا فيـه واجهـاا
وين انت ياعون الرفيـق!! ورفيقـه
اللي الى شـاف المناهـج نهجهـاا
يـدل وقّـاف الــدروب العتيـقـه
واخس وقفـات الـدروب امعرجهـاا
والله مدري صـدق كيـف الطريقـه
لوكان ما الدنيـاا وسـاعٍ فججهـاا
اطوي مساحـات الزمـن بالدقيقـه
واصبر على طول الدروب وعوجهـاا
عزي لمن مر الصبـر مـا يطيقـه
يكثر عليه امـن اللوايـم حرجهـاا
ياعونـة الله ..ياالأمـل يابريـقـه
ماغيرها.. زكّا النفـوس وبهجهـاا
منهـا سمـوٍ للنفـوس الشفيـقـه
على البعاد امن الهمـوز ولججهـاا
لااقفيت تهوي بي جـروفٍ سحيقـه
وخيّالها عنـد الصمايـل عسجهـاا
لاغاب مثلـه.. تستريـح الخليقـه
مافيه سكـه مظلمـه مـا ولجهـاا
الـرّس يالمضمـي تحـذّر تويقـه
فيه المياه اشـوا ويكثـر خمجهـاا
الـى غـدا در المنيحـه سريـقـه
فام الحـوار اللـي بسنـه لهجهـاا
عليـك بالكوكـب ويمنـاً طليـقـه
ماهي تكف امدادهـاا مـن حنجهـاا
تصخي المااصخابه شقيق ال شقيقه
وتقطع بك اميال الميـال وزرجهـاا
كنها تقطّـف لـك ورورد الحديقـه
حديقةٍ ما كـل مـن جـا سهجهـاا
طـرد السـراب الـى تـلالا بريقـه
يدخلك في شمـسٍ تزايـد وهجهـااا
لاسكّـرت لاريـا دروب الحقيـقـه
عند الولي في الحالكـات امخرجهـاا
كم لي وانا اضحك والخفايا حريقـه
وافكّـك افكـارٍ خيالـي نسجـهـاا
اموثقّـه خلـف السـدود الوثيقـه
ايليـن ياتيهـاا مـن الله فرجـهـاا

القصيده ليست للشاعر محمد بن فطيسقصيدة زماني حط لي فالدرب شوك للشاعر حمد بن فطيس والد شاعرنا حفظهما الله

زماني حط لي فالدرب شوك
غدوا به كل هالعالـم سـوا

كثيرين الـدوادي والشكـوك
بعضهـم علـة ٍ مالـه دوا

اذا ما للرجل حنكـه وحـوك
على كل المراجل مـا حـوا

واذا مالمرجله طبع وسلوك؟
ترى منهـو تعلبشهـا هـوا

وهي محد ٍ عليها له صكوك
علـى ماقيـل كـل ومانـوا

ترى كوبان لو يملك لكـوك
على الجودات قلبـه ماقـوا

لو انه يافتـى يملـك بنـوك
رفيق المصلحه قل لـه لـوا

يحطّك مثل خـزان المكـوك
الى فضاه قطه فـي الهـوا

دعس طيبك وحطه (هيدروك)
وغصن المعرفـه بيـده ذوا

اذا اللي قبلنا مـا علمـوك؟
مثل من جا وصـدّر مـا روا

ونكرانك جميل اللي هـدوك
مثل من جوّد الصقر وشـوا

وسجّ وهج عن من هم نسوك
ترى من يتبع المقفي غـوا

وخلك ساعة الشـده لخـوك
اذا ذيب ٍ عـوا للـي عـوا

وضيفانك الى منهـم لفـوك
تقدّرهم على أحسن مستـوا

ولاتبلش رجـال ٍ مانصـوك
ترى مافيه جـوع ولا خـوا

وعش في عزتك عيشة ملوك
وتواضع كل مازدت ارهـوا

القصيده ليست للشاعر محمد بن فطيس