09-10-2014, 10:00 PM
|
|
|
بكرتي ماهي تروح فالغبار .. بن فطيس
بكرتي ماهي تروح فالغبار
ترتشف قدام صافي الاكسجين
كل مازاحو من الدرب الستار
رحت اساقط واتعدى الاولين
خابر انها دايما راس القطار
ماتوخرني مع المتاخرين
وماتردا كل ماطال المغار
وجه راعيها رضي ماهوبشين
وكل ماطال المدى والدم فار
شفتها فالفوقي من الكادرين
جنبها صافق جبل والزغن غار
وجوفها ياخذ ثنين قاعدين
كن غاربها ظهرمدرج مطار
والترايب من صدور مصارعين
شوفها تو الهجن تزهاالشعار
هو قناد اللي لخصمه مايلين
ولا تعادل لافلوس ولاعقار
فرحة ربوعي وحزن المبغضين
|
