الملتقى الجماهيري للشاعر محمد بن فطيس المري - عرض مشاركة واحدة - القصائد المنشوره بأسم الشاعر محمد بن فطيس .. هنـا الحقيقــــــــــــه

03-29-2011, 05:22 PM

القصيده ليست للشاعر محمد بن فطيسقصيدة أعرف بعض لوقات للشاعر حمد بن فطيس والد شاعرنا حفظهما الله

اعرف بعض لوووقات لا سرت مشغول
واعرف بعض لوووقات لا سرت فاضي

دنيا مهي تبقـى بحـالٍ علـى طـول
كن حن بهااا علـى قضيّـا مقاضـي

من جااا يعدل ميلهـااا قيـل مهبـول
لعبة ورق فيهااا المسيطـر يغاضـي

الزور يقلب حـق!! والحـق مجهـول
والحـق مـا منـه مـلاذ وتغاضـي

كثر النفاق.. ودار حـولٍ بثـر حـول
ماكـن كثـر البلبلـه حكـي فاضـي

ومن لا توقى في الرماضـي بزربـول
يحـرق سماريّـه مسيـر الرماضـي

(وارويبضه) لوقال ما هـو بمسـؤول
قبل امس ما يسأل وذالحيـن قاضـي

خضت البحر وانا اتحاشا عن الدووول
خوف الهلامي يلحق السـاق شاضـي

البايع الشـاري مـع النـاس مقبـول
بيع وشرا عااادي.. قبـول وتراضـي

الى اجتمع مرهي وشاعر ومخبـول؟؟
خلطـة ادب فاشـل تثيـر امتعاضـي

تشرى الذمم واتباع بالعرض والطـول
والكـل ينظرهـااا بعينـه وراضــي

المال خلاّ غير معقووول؟؟ معقـوول!!
مااالوم نجـم الاغنيّـه قـام ياضـي

ياللاسف.. ما كـل منقـول مقبـوول
ثوبٍ مشجّر جنّب ثـوبٍ ابياااااضـي

قلته وانا بالفعل برهنـت مااا..اقـول
وعلى جبااااا الريان تنسف احياضـي

وعن ما حصل للشعر ماني بمسـؤول
ما دامنـي مبـدي عليـه اعتراضـي

القصيده ليست للشاعر محمد بن فطيسقصيدة ماني بقادر على تغيير جيناتك للشاعر حمد بن فطيس والد شاعرنا حفظهما الله

ماني بقـادر علـى تغييّـر iiجيناتـك
ما دام طبعك كذا مخلوق فـي iiدمّـك

دوّر علـى كثـر روحاتـك iiوجيّاتـك
تلقى المواساه والتحنان عند ii..امّـك

لاتبكي اليوم تـو اليـوم مـا فاتـك
الوقت ممدي ودمعك يمسحـه كمّـك

وان ما قبلت النصيحه يوم هي iiجاتك؟
لاتحسب انـي حزيـن وناقـلٍ همّـك

خلّك على ما تبي تمشـي iiبمشهاتـك
تمشي على رغبتك وابليـس مزتمّـك

متعـدّيٍ مستـوى ذوقـي iiملـذاتـك
اقفيت ضامي بدون الشرب من iiجمّـك

لوكنت ليلي وانا سهران مـا iiاباتـك
ولو كنت شوقي وانا مشتاق ما اضمّك

ولو ذبت لي شمع ما نّور iiمسافاتـك
ولو كنت ورده من الريحان ما iiاشمّك

لملم على باقـي الذكـرى iiجراحاتـك
وتذكّر اني ولو ما امدحك !!ما iiاذمّـك

ما دام هوج العواصف تبتلـي iiذاتـك
اخاف تقفـي مـع التيّـار iiويخمّـك

من يوم عادك طفـل هـذي معاناتـك
الله يستـر عليـك الحـال iiويتـمّـك

وان طعت ياهوه شوف افضل iiهوياتك
اخير من تبعـة المسمـوم iiوايسمّـك

الموج لاكبـر مـا تنفـع iiمهاراتـك
لوكنت سبّاح في عرض البحر iiطمّـك

لاشك ما ضنتي ..ما تسمع iiاوشاتـك
الصدق لوعم خلـق الله مـا iiعمّـك

وانكـان ودّك تذكّـرهـا iiبدايـاتـك
من يمي الوصل والتقصير من iiيمّـك

جرّب مع واحـد ٍ غيـري iiمياناتـك
مدري لواني بعدها صرت ما iiاهمّـك

اكيـد مقـدر علـى تغييّـر جيناتـك
ما دام طبعك كذا مخلوق فـي iiدمّـك

القصيده ليست للشاعر محمد بن فطيسقصيدة لا ياوجودي وجد من فاجاه ديان للشاعر حمد بن فطيس والد شاعرنا حفظهما الله

الا ياوجودي وجد مـن فاجـأه ديّـان
برغم اعتزال الناس من كثـرة اديونـه

بعد ما فضى جيبه وكفه وحالـه شـان
تناسـوه ربعـه كنهّـم مـا يعرفونـه

تناسوا مواقيفـه ولا كـن شـيٍ كـان
على غير ما ترضى الكرامـه يحدونـه

وهو كان منقع طيب منهل وفا واحسان
فلاشـك عّـوان الزمـان ايتحـدونـه

رفع كفه الخالي الي الخالق الرحمـان
عقب ما تصافوا كلهم ظلم مـن دونـه

سريع الفرج كافل برزقه جميع انسـان
قبل طلبته واعطاه ما خيّـب اضنونـه

على اللي سلب عقلي بسلهامة الاعيان
على العهد لو تبعد نحاياه مـا اخونـه

الى جيت باادله من خياله بعض الاحيان
يذكرّني القمري على الغصـن بلحونـه

يذكرّني القـد المخصّـر وهـو مليـان
تعزّال رسلانٍ علـى الضـو مركونـه

يتيم الوصوف وليّن العود غصن البـان
جميـل المحيـا والحجاجيـن مقرونـه

الى اوما بليل امجدله من على الامتـان
تخيّلـت كـن الليـل ممسـاه بمتونـه

والى طاح واسترسل وبانت لي الاوجان
تخيّلت نور الصبح وان الشفـق دونـه

لها بنّـة العطّـار واحكايـة المرجـان
مع اللول والرمّان كـن البـررد لونـه

معا ذا ..ولولا الميز باقول بنت افـلان
على شان مثلـي لاعشقهـا تعذرونـه

القصيده ليست للشاعر محمد بن فطيس

ليتني طير إلى من ضاق رفرف بـه جناحـه
لا تضايق حرّك الجنحـان لحـدود السحابـه
يرتفع حتى يبدل ضيقـة الصـدر انشراحـه
يعتلي النسناس ويعانق بـه النـوّ وضبابـه
لو يروح بعيد ما أحد يسألـه سبـة مراحـه
ما هو بمثلي يفجّـر ضيقتـه دمـع وكتابـه
لا نوى ما هو يحسّب فرق بعد ولا مساحـه
ولا يحاتي لا لفى بـأرض بعيـد ولا قرابـه
ما يفكّر غير فـي لمـة جناحـه وانفتاحـه
لا بغى ينزل بنهر وان بغـى ينـزل بغابـه
لأجل قلب لا طرى له صاحبه داعب جراحـه
عانده وجه الزمان وزاد وقته مـن مصابـه
صاحبي والحظ الأ قشر قلّد أيامـي وشاحـه
يسقي أيامي دموع ويطعـم الظلمـى كآبـه
في رجاء لقياك دارت غربتي في كل ساحـه
وعين قلبي في غيابك صدّقت كذب السّرابـه
لا أرتسم بعدك هجير ترتسـم لقيـاك واحـه
ولا أرتسم حبك قريب تصبح اللقيـا مهابـه
لا جنت فرقاك فرح ولا أثمرت جمعاك راحـه
بين حرّ القرب وأحزان الفراق أوجه تشابـه
من مساء هاجس لقاك اللي يماطل في صباحه
لين هاجوس الفراق اللي تمادى في عذابـه
ليت قلبي طير لا من ضاق رفرف به جناحـه
لا تضايق حرّك الشريـان لحـدود السحابـه

القصيده ليست للشاعر محمد بن فطيس