03-29-2011, 05:42 PM
|
#8
|
|
بيانات اضافيه [
+
]
|
|
رقم العضوية : 1
|
|
تاريخ التسجيل : May 2010
|
|
المشاركات :
1,484 [
+
] |
|
التقييم : 1288
|
|
الجنس ~
|
|
|
لوني المفضل : Brown
|
مزاجي:
|
رد: القصائد المنشوره بأسم الشاعر محمد بن فطيس .. هنـا الحقيقــــــــــــه
القصيده ليست للشاعر محمد بن فطيس
الله على شفتك ياشارب التوت
بلوى وتوتك زادها في حلاها
تكفى تلثم لا توريني الموت
عيني وانا خابر مرضها ودواها
الجوبارد بس هاك البس الكوت
خله يزود فوق نفسك دفاها
والدنيا رحله وانت للرحله القوت
ياحظ منهو رحلته قد بداها
خدك ولوشافوه عشاق بيروت
غنوا معك فيروز صبح ومساها
والذكريات الاوله فوق تابوت
هي ذاهبه والناس تمشي وراها
حلو الحياه . اسلوب ثم ناول وشوت
لاتكون مثل اللي كحلها وعماها
تعال لك عندي عمارات وبيوت
تعال لك دنيا يحيطك رضاها
تعال قدني من خفاياي مكبوت
ابا اشبك التيار ينور سماها
هذي نصيحه لك ياسامع الصوت
اعرف معانيها وحلل صداها
اليا غمست التوت في مصدرالتوت
عيون غيرك يخلف الله علاها
القصيده ليست للشاعر محمد بن فطيس
يالله يا علام ما يخفى ومـا تخفيـه الصـدور
إنك تعين اللي يخفـي فـي شموخـه الانكسـار
يا من لكثر أخطائنا سميـت نفسـك بالغفـور
إغفر جميع ذنوب عبـد لاذ بإسمـك واستجـار
لا صارت الحاجه حياء فالكف مدتهـا سفـور
وش حلها يا واحد من فـوق عرشـك تستخـار
كانك تبيّن ضعفنـا ...قـد ذلنـا منـك طيـور
وإلك يتوشح بالعبوديـه زعيـم أسمـى الحـرار
الفقر قاسـي كنـه إسرائيـل يلتـف ويـدور
خمسين عام والعرب في وهم إعـادة الانتشـار
اما الغنى مثل العـرب يظلـم ولا فكـر يثـور
يمشون درب الهون وغوتهم سهولـة الإنحـدار
للحاجة أسلوب يدمر في البشـر كـل الشعـور
اشد ممـا تفعلـه فـي الارض أسلحـة الدمـار
ما لومها الحاجه إلى منها خذت فـرع وجـذور
مادام ما قد ذاقها واحـد مـن أصحـاب القـرار
ما فادنا حفظ النشيد اللي صدحنـا بـه بـزور
وأنشـودة مضمونهـا عمـار يـا داري عمـار
كم ليلة سامرت كتبي كم ذهبـت بـلا فطـور
أسابق الأيـام وأسهـر كـل ماجـاء الإختبـار
من واجبات المدرسة كنت احلم ابني لي قصـور
كنت احسب ان من حلها يجني من أنواع الثمـار
بآطور أسلوب المعيشة بالمواظـب والحضـور
وبالبس دروع العلم واسهم في طريق الازدهـار
((بالعلم نبني امة تبقى علـى مـد العصـور))
عبارة منها عرفـت أسبـاب الاسـم المستعـار
ازرع و أشوف الطير ياكل في السنابل والبـذور
واتركه ياكل خافه أحـوج ليـن خربهـا وطـار
يا صغرها اللقمة إلى من جات في تالي الشهور
لاجيت أوزعها على الضيفان ودمـوع الصغـار
يا ما طول الطابـور للـي ينتظـر ياتيـه دور
هي وقفة الأقـدام كلـت او صعوبـة الانتظـار
يا راسي اصبر والصبر محمود في كل الأمـور
حتيش لو عشت الحزن من صغر لسنين الوقـار
لا يكسرك حزن تعيشه يشبـه أحـزان القبـور
والضيقة اللي عزها ياتيـك فـي تالـي النهـار
يسقى الطفولة لو بساطتها أليمه فـي النحـور
على الاقـل تعفيـك مـن ريـع يوجـه للكبـار
الموت لا صرت محسوب وحل بك بعض القصور
تشب نار المرجلـه والفقـر يطفـي ألـف نـار
من كنت طفلا في المهد وأنا اسمع الدنيا تـدور
وقربت ثلاثين الأمل وأنا علـى نفـس المسـار
ما عاد ينفع في خريف العمر لمحات السـرور
ما دام نـزوات العمـر فاتـت وعداهـا القطـار
وين الثقة في وقتي اللي من عرفته في دبـور
من وقفة أبناء الجزيـرة ليـن خونـة قندهـار
يسقيك يا وقت الفرس والسيف والقلب الجسور
يوم الرجـال أصنـاف مـا كـل يقلـط للفقـار
زماني اللي حطنـي عـادي ولا قلتـه غـرور
ولا ني بمنهـو لاإنظلـم يرضيـه رد الإعتبـار
اقدر أخربها واعرف إني على الشـدة صبـور
اقدر ولكن شيمتي تاقف ودمعـات الصغـار..!!
القصيده ليست للشاعر محمد بن فطيس
صدري بعد مارحت خالي ومهجـور
واسوار صدري يوم قفيت طاحـت
ماكنه الا بيت لـه وقـت معمـور
دارت عليه سنين عمـره وراحـت
البيت طين وصاحب البيت مقبـور
وكل الاماكن داخـل البيـت ناحـت
تبكيه حٍجر وسقف طايح على سور
ولو للزوايا صوت بالصوت صاحت
ويبكيه مشراقه على طلعـة النـور
لو كان ماله عين ودمـوع ساحـت
وتبكيه بير وودلو وعذوق وزهـور
وصوت الهوى ودروب رجله تماحت
ويبكيه كل اللي وقع منـه مكسـور
لو انهـا قبـل المطيـح استباحـت
شبهت صدري بيت خالي ومهجـور
واسوار صدري يو قفيـت طاحـت
القصيده ليست للشاعر محمد بن فطيس
في كتب " ابن ماجه / ومسلم / ومالـك " لامن بغيت الخير .. عاشـر هـل الخيـر , والله قسـم تلقـى" حبـالـي حبـالـك" ألـذ مافـي ( دنيتـي ) مـن مشاويـر , أنـا بـفالـي غبـت وانـت بـفـالـك لكـن بقـى لـك فـي المعاليـق تأثيـر , ياكثـر ماترجـي عيـونـي وصـالـك لاجآت صكات الصـدر .. حـزة عصيـر , ماهو بـشـرط ابكـي اذا جـاء مجالـك لكـن بـأقـول ( الله يذكـرك بالخيـر ) , خلّ " الـغـلا " بين> القلـوب وخيالـك المـوت طبعـك مالقيتـه مـع الغـيـر , لامــرّ ذكــرك مـاقـدرت آتمـالـك نفـسٍ تتـوق لواحـدٍ عشرتـه غـيـر , " أنـا / وقلبـي / والغـلا " كُلنـا لـك ( وأيـآم عمـري المقبلـه والمدابيـر ) , لأنّك حسـب ماقـال " مسلـم ومالـك " لاراح راعي الخير ((فاذكره بالخير))...!!؟
|
|
|
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
لا تحرموني دعائكم في ظهر الغيب .gif "s17")
التعديل الأخير تم بواسطة أبو مشاري ; 08-19-2011 الساعة 03:51 AM
|
