الملتقى الجماهيري للشاعر محمد بن فطيس المري - عرض مشاركة واحدة

03-05-2012, 05:08 PM

الحمد الله على العوده اخي محمد
تقبل مني هالابيات ولو ماتافي بالغرض

بغيت أتمثل بالوريكي على دوره
ولقيت الوريكي في غناةٍ عن التعريف

اصخر بيوت الشعر واجمل سطوره
واتشح المعاني في سناد الخوي والضيف

اوصيك ياللي توصل العلم واتزوره
اعمدك بالمرسول واكلفك تكليف

معا كل منهاج له البيض منشوره
على كل مشرافٍ على النايفات منيف

لو ان المواقف تنقل الصوت والصوره
تصدر هل الفزعات في قمة التصنيف

بناله من الأمجاد قصرٍ وامقصوره
ملاذ لاربعه من صقيع الشتا والصيف

سجاياه باقلوب الرجاجيل محفوره
اذا طرو اسمه بالمجالس يطيب الكيف

اجي له وانا اشكي من زماني وامن جوره
واحس بـ ربيع سويسرا في مصيف جنيف

ولد شايبٍ لاقام عز العرب شوره
اذا ضاعت علوم العرب والزمان مخيف

سلالة رجال بالمواجيب مشهوره
باعز الصديق ويجعلون العنيد ضعيف

بعيدٍ مداهم دام الاوضاع مستوره
وسريعٍ غضبهم لا زما الحيف يم الحيف

اهل عزوةٍ في صفحة المجد مذكوره
يردد نباها من شروره لاحد طريف

براكين شعري في ضميري لها ثوره
تطول الطوال وتجرف المنحدر تجريف

اعطر قصيدي باللوريكي وفي دوره
مجاله يعز القاف ويشرفه تشريف

ياكثر الاسام اللي من المدح مهجوره
لكني مصد من مجاله مصد معيف

بغيت أمدحك يامنبع الطيب وابحوره
ولكن عزاي انك غنيٍ عن التعريف