07-28-2013, 04:23 AM
|
|
|
ولعتني في زيد شوفك وصديت ،، محمد بن فطيس
ياساكن القلب وعن العين غطيت
تغيب لكن طيفك الذرب ضيفي
واقول له خف خالقك ويش سويت
ولسان طيفك قال ماهو بكيفي
ولعتني في زيد شوفك وصديت
وانا بعد سلمت درعي وسيفي
وخذيت قلبي من مكانه وقفيت
والعالم الله هو يزاورك طيفي
من حب جرحك فالهوى ماتداويت
قربك ربيع لي وبعدك خريفي
لا ادري بعنوانك ولا ادل لك بيت
وانا اتحرا لك شتاي ومصيفي
ياهل تويتر يانشاما وبنيت
ابغي طلب ماهو بدور وظيفي
سووا لشعري بينكم بين رتويت
يمكن مع الايام ياصل وليفي
محمد بن فطيس
|
