الملتقى الجماهيري للشاعر محمد بن فطيس المري - عرض مشاركة واحدة - القصائد المنشوره بأسم الشاعر محمد بن فطيس .. هنـا الحقيقــــــــــــه

03-29-2011, 04:19 PM

القصيده ليست للشاعر محمد بن فطيسقصيدة ياماخذٍ تاج الجمال بزمنـــــــــــا للشاعر حمد بن فطيس والد شاعرنا حفظهما الله

ياماخذٍ تـاج الجمـال iiابزمّنـا
في ذوقك الراقي وفي كل iiمابك

وشفيك قطّعت المواصيل iiعنّـا
حتى وصالك نشحذه من iiجنابك

اما تشد الحبـل قبـل iiايتثنّـا
والا على باب الغلا ويش جابك

في غيبتك ما الـد منّـا iiومنّـا
ذكراك تملى وحشتك في iiغيابك

بالوقت في شوفة حلاك iiاتهنّـا
في وقفتك في مشيتك في iiثيابك

لاجل العيون الناعسـات اتغنّـا
الله يخلي لي غـلاك وشبابـك

البوح لك في شوفتك ما تسنّـا
مثل الكفوف الى شغلها التشابك

نسيت نفسي بين خنّـه iiوحنّـا
بين العيون وبين صافي iiعذابك

القصيده ليست للشاعر محمد بن فطيسقصيدة ياطير حظ اللي لمثلك يعّين للشاعر حمد بن فطيس والد شاعرنا حفظهما الله

يـــــاطير حـظ اللـي لمثلـك يعيّـن
من دون عقلانك تتالـت اوجابـك

غريّت بك واثر السبب كان هيّـن
انقص فجأه مـن رداه وغـدا بـك

واوما جناحك يطلـع الجـو ليّـن
وطير ٍ يشوف امسوح ريشك يهابك

من جاب مثلك ما خسر لو تديّـن
لا سامك اللي رافـع ٍ فتـح بابـك

مافيه شي ٍ من وصوفـك يشيّـن
شكلك ..والى جاك الزبون التوا بك

ماريّتك فعل ٍ علـى الوجـه بيّـن
اما وسم .. والا نتيجـة مشابـك

صوره لهـا رب المخاليـق زيّـن
تاقف على ارض ٍ سوّرتها حرابـك

الله يحطك فـي نصـد كـل ديّـن
اللي تسوقه شيمتـه ليـن جابـك

قرم ٍ على اسمي في الشريحه تبيّن
قد ذاق لوعات الضياع ولفـا بـك

يامااطيّبه من هـو لمثلـك يعيّـن
دوّر لرقمي في (قطر) لين جابـك

القصيده ليست للشاعر محمد بن فطيس

ياصاحبـي مثلـك ذخرتـه iواحنّـه
زل الوصال ودرب الاحباب ممـدود
الطيب يجنى والذهـب مـن مغنّـه
ماهوب في درب المساكين مرجـود
ماكل مـن يضحـك جعلتـه مظنّـه
يبقى على قـدّه مقـدّر ومحـدود!!
واللي يبدل واجب الفـرض سنّـه؟
هذاك في وادي معاكـس ومسـدود
كني به الى فـاق ثـم جـر ونّـه
الى اكتشف فيها بعض الاوجه السود
اللـي سـلام الله تقفـيّـه مـنّـه
وان مر عرضه كلهم صارو اشهـود
بالكـذب والبهتـان انّـه !! وانّـه
وايصغّرون الطيب منّه وهـو عـود
واللـي سلاحـه للنشامـا يسـنّـه
يذرع لسانه خابـرٍ مالـه عضـود
يلبس قناع الكـذب والغـدر عنّـه
محمود فالظاهر وهو غيـر محمـود
يكفيه حرمانه على سـوء ! ظنّـه
وان مات مايلقى عذر والعذر كـود
ومن مات مات وسجة الناس منّـه
الا العمل يبقى على طـول موجـود
في الاخره مـا غيـر نـارٍ وجنّـه
لاعاد به نقـصٍ ولا عـاد بـه زود

القصيده ليست للشاعر محمد بن فطيس

اضحك وفلّ حجاجك اشفيك محزون
دنياك ماتسوى وخذها نصيحه..

مادام مالك ميت ولا انت مديون
ارم الهموم وخل نفسك مريحه..

لو كانوا اصحابك يضاهون مليون
نق الكفو منهم وخل السطيحه..

ولا تشتكي للناس لوكنت مطعون
والذم من بعض الخلايق مديحه..

ولا تنحني للهم وتعيش مغبون
ترا المريح اهل العقول الصحيحه..

لاصرت صادق قالوا الناس مجنون
مايمدحون الا النفوس القبيحه..

وخلك صمود بوجه الايام دندون
وما حرم الله اثم لا تستبيحه..

والكبر لو به فايده فاد فرعون
ومن ذاع سرّه بشّره بالفضيحه..

والله لو يعطون لك مال قارون
ماشفت نفسك بالغنى مستريحه..

انفض هموم القلب وابليس ملعون
وان ضاق صدرك ارض ربي فسيحه~

القصيده ليست للشاعر محمد بن فطيس