هيّضتنا يالجزل .. صحّ الله لسانك
يتوه الفكر وتثور المشاعر لا ذكرت البين=وذكرى ماضي الأيّام حاليها وحامضها
تهاجر للأصيل احلام سلواني عن الجافين=وتذرف عيني الدّمعه و لوعاتي تحرّضها
ألا يا صاحبي لا وين ؟ قل لي: هالجفا لا وين ؟=وانا آجفّف دموع العين واشواقي تهيّضها
تعبت ازوّر البسمات واغنّي مع السالين=تعبت اسامر اظنوني واسايرها واروّضها
أهاجر عن مرابيع (الغلا) وآصل حدود الصين=واسجّ وسجّتي ترمي خفوقي في مرابضها