الليل متعبني مثل ما انت شايف ..

الليل متعبني مثل ما انت شايف ..

الليل متعبني مثل ما انت شايف
الليل مرقاب الضلوع المهاديف

الليل نعمه واكثر الناس خايف
ان الليالي ما تجي له على الكيف

سواده ابيض من بياض الصحايف
وصباحه ادفا من حنين المواليف

لمعانقه يلتم شمل الولايف
ومفارقه يغتال ضحك السواليف

الله ما احلى فيه هاك النوايف
ليا اعتليت ابها نست المناكيف

لو كان حظّي منه حمل وكلايف
ابغاه بأرقى فيه روس المشاريف

اببتعد واسري خلا .. جيت عايف
مدري انتهي والاّ ابتدي بالصواديف

ما دام جرحي بين الاضلاع نايف
الليل ضيفني وانا صرت له ضيف

اثره حنون وما توقعت زايف
ضمّ الجروح اللي من الصيف للصيف



الشاعر : عبدالله بن غازي ,,

المصدر: الملتقى الجماهيري للشاعر محمد بن فطيس المري

الودعااني
صح لسان شاعرهـــا ولاهنت ..
قصيدة في منتهى الجمالية والذوووق ..
ابدعت بطرحك وردجوري لروحك..

روعععععه نقل مميز ومو غريبه عليك النقل الرائع سلمت يمينك

سلمت يمينك
نقل مميز
تستحق الشكر عليه

اقتباس:
المشاركة الأصلية كتبت بواسطة الفلوه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

الودعااني

صح لسان شاعرهـــا ولاهنت ..
قصيدة في منتهى الجمالية والذوووق ..
ابدعت بطرحك وردجوري لروحك..

الفلوه ولا انتي مرور في منتهى الروعه اشكرك ولاهنتي يالغاليه ,,

اقتباس:
المشاركة الأصلية كتبت بواسطة فرح الشهري [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
روعععععه نقل مميز ومو غريبه عليك النقل الرائع سلمت يمينك

فرح الله يسلمك من كل شر مرور عذب ولاهو غريب عليك يالغاليه اشكرك ,,

اقتباس:
المشاركة الأصلية كتبت بواسطة هملان الغامدي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
سلمت يمينك
نقل مميز
تستحق الشكر عليه

هملان الله يسلم روحك شرف لي مرور شاعر راقي مثلك لاهنت ,,

اقتباس:
المشاركة الأصلية كتبت بواسطة ريف الصبا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ريف لاهنتي روعة اطلالتك هي المميزه لاهنتي يالغاليه اشكرك ,,

صح الله لسان الشاعر ,