وقف دقيقه ويش دخل هذا البيت؟,,ماودي اكتب هالقصيدة كذيا

وقف دقيقه ويش دخل هذا البيت؟,,ماودي اكتب هالقصيدة كذيا

السلام عليكم

قصيدة جديدة لي يارب تعجبكم

لامن دعاني طاري الربع لبيت
تقدح بي افكار السطر والحميا
وقف دقيقه ويش دخل هذا البيت؟
ماودي اكتب هالقصيدةكذيا
ياقلب عيني تبغي النوم وازريت
احاول ارقد لكن النوم عيا
اذكر زمان ن فات ولىّ وحنيت
اسامر ربوع ن على العين ضيا
ياتل قلبي تلت سيور وانيت
لامن دعس له صاحبة ماتريا
على وليف صد واقفى وصديت
امازحه واثره نواها عليا
ياليتني من قبل لااصد واقفيت
هوّنت عن روحة سببها بليا
لكنها صارت وانا له تباطيت
والقلب تكوية الصواديف كيا
اقفى وشتت مركز الفكر تشتيت
وادمت حياتي ناقع ن فالجفيا
اي بالله استاهل تغليت وادميت
اصفق جروح الزمن في يديا
اقول سالي لاحشى ماتسليت
وانا اذكره لاشفت نجم الثريا
انا اشهد اني فالهوى قد تماديت
وحبه فقلبي فالبشر ماتهيا
بنيت له قصر بخفوقي وحطيت
برج ن بوسطه مثل برج العليا
وبنيت سور ن مرتفع ذايع الصيت
يحميه من شلة هروج القفيا
وحطيت له خيمة كبيرة وسويت
صيوان حب وعشق فيها يتفيا
لكن خلاني وروّح وظليت
اناظر احلام ن بيننا سويا
لديت لكن ليتني مااستدليت
وشفت المذلة في عيوني هنيا
لاطحت فبحور الهوى تقول ياليت
يذبح شعورك لكن الجسم حيا
خذها نصحية دام مابه تعنيت
خل الهوى تكفى ياطلق المحيا

وسلامتكم

تقييمكم لها حبايبي

رائد

المصدر: الملتقى الجماهيري للشاعر محمد بن فطيس المري