اناديك

اناديك

قصيدة اناديك
ياطول عمرك توني كنت اطريك
سرحت لحضه فسنين وذكرتك
تدري وشلي مربي باب ماضيك
رحت الجنوب وشاقني وفتكرتك
البارحه غطت اعيوني بطاريك
اسابق احلامي عليك ونطرتك
لحضت تحطم حلم الايام بيديك
وطلعت من طوري عليك وصطرتك
حبيت غيري جعل ربي يهنيك
عطيتني عذر الضروف وعذرتك
لاكن عجزت اروح عنك وخليك
قبل ابتعد حنيتلك وفتكرتك
جيتك ولا عنديي عذر يوم ابجيك
كذبت قلت ابشكرك ماشكرتك
وفزيت من لذت منامي اناديك
ياذخري اللي لليالي ذخرتك
اثريه حلم وهزني جعل يفديك
حتي وانا في مرقدي ماحقرتك
فسرت حلمي قالو العكس ياتيك
يعني لوني بزعلك ماصطرتك
البارحه بين النعاس وطواريك
شبيتلك جمر الغلا وانتضرتك
ومنيوم ماغطت اعيوني بطاريك
اسابق احلامي عليك ونطرتك
ياطول عمرك توني كنت اطريك
حاولت ابنسي كل شي وذكرتك

الشاعر خالد الهبيدة

المصدر: الملتقى الجماهيري للشاعر محمد بن فطيس المري