تدري وش اللي يجرح القلب جرحين - الملتقى الجماهيري للشاعر محمد بن فطيس المري

الاوسمة · #1 05-14-2011, 11:24 AM

تدري وش اللي يجرح القلب جرحين
ويمد حـبل الحزن فيك ويشده

إنك تناظر طفل من غير أبوين
يمشي ودمعة سايل فوق خــده

منظر صعيب ويقسم القلب قسمين
لا قـام يمسح دمعة بكف يــده

يمشي ولا يدري طريقه على ويــن
لــيــن الـتعـب مـن كثر ما تاه هــده

أثقل حروف يشيلها فيه حرفين
لا أب يـدري بـه ولا ام تــرده

في خطوته رحلة ودمعة وسكـين
وحـظ تـوسد بالمـراسي مـخـده

جيت اساله بالله قلي ولـد مـيــن؟؟؟
وأبـغــى يـجـاوب.. واختـنق صوت رده

أنــا يـتـيم ومـا لــدربــي عـنـاويـــن
وجــزر الحـزن فيني يسـاوي لـمده

وطـعم الطفـولة ما عـرفته لها لحين
وثــوب الســعادة صــرت ما نيب قـده

أبـكي إلــى من شفت غيري سعيـديـن
لـيـن الـبكـــا فـيـني يـوصـل لـحـده

وأقفى ورحت أمسح دموعي من العين
وعـيـني تـناظر دمعـته فــوق خـــده

وهـذا اللي يـجرح الـقلب جـرحين
ويـمد حـبــل الـحـزن غصب ويشده
..................................................

عجبتني كثير
قطعت قلبي كثير

المصدر: الملتقى الجماهيري للشاعر محمد بن فطيس المري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)