بكرة يجيك الدور

بكرة يجيك الدور

سرى ليل الالم يطرد ضياع الخاطر المفقود=ونا توه وحيد و وحدتي زادت علي الجور
غريبة كن سير الوقت يبطي في غيابك زود=شهور العام في ليلة تجيني كلها بالدور
سباع الهم تسري بين طيات المسا وتعود =تعاودني وتمحى كل حلمٍ له بقبلي دور
تعاندني رياح البعد في يم الليالي السود = سفن رجواي تشكي لك وتبكي حظها المعثور
ونا كني بدونك تايه في ذا الزمان و عود =تجلا عن كثير الناس مبعد والحشا مقهور
الا ياصاحبي وينك تعبت انشد ولابه كود =علومٍ ماتسر البال ولاهي تجبر المكسور
على جمر الفراق اتزيد كيات الحشا وتكود =ولاكن زاد كيتها مكانك خالي ومهجور
توردني ركاب الهم عدودٍ حوظها مقرود=وتشرب من ضياع العمر ربيع اشتاتي المنثور
عسى الايام تصفى لك وتوفي لك من الماجود=ولاتامن لصفوتها ترى بكره يجيك الدور

المصدر: الملتقى الجماهيري للشاعر محمد بن فطيس المري