فرقاك يالي بالغلا فاق الاصحاب

فرقاك يالي بالغلا فاق الاصحاب

اسعد الله ايامكم بكل خير حبيت اليوم انزل هنا قصيده لاخوي محمد العتيبي كتب هالقصيده لما توفى شخص غالي عليه واهو زوج اختي وبمثابه اخ غالي الله يرحمه ويسكنه اعلى الجنان اتمنى انتال اعجابكم هالابيات هاض الخفوق وفاير الدمع صباب والهم من بين الضماير كواني واسباب ماجاب التوتر فالعصاب وللي على نضم القصيده حداني فرقاك يالي بالغلا فاق الاصحاب ياموفين حق الخوي والعواني ياللي لك البيضا على راس مرقاب يافزعت اللي دار وقته وشاني يوم المراجل متعبت كل طلاب صارتلك اطوع من عسيف العماني يشهد عليه احباب واصحاب واجناب يامجرين قلب الضعيف الهداني اقفيت عنا والقضا جاله اسباب وما قدر الباري على العبد كاني وجددت بي جرحن تحيربه الاطباب جرحن سقط بين الظلوع المحاني كم ودعت عيني مظانين واحباب وغارات بقعا سابقتها ثواني كم راح من صكاتها روس واشناب من عقبهم قلبي وهو مايداني واليوم انا اودعك ياحصان الاطلاب وكني مودع واحدن من اخواني ولالي عن الي قدر الرب مجناب راضي بقسمة ربي الي عطاني مير احتسب بالصبر من رب الارباب يخلف علينا فالمصايب حساني وادعيلك اللي للمخاليق تواب يجعل مقرك في وسيع الجناني ويفتح لقبرك في ذرى جنته باب ويعطرك بالمسك والزعفراني

المصدر: الملتقى الجماهيري للشاعر محمد بن فطيس المري

يطيب لـــي ان اكون اول متلقي لهذاه
ألقصيده الجزله والحزينه ه في نفس واقول والنعم في
اخوك وفيك يبنت برقاء الله يرحم نسيبك وصح لسان محمد
وبيض الله وجهك علي النشر بصراحه ي اخت. بنت برقاء رغم
اني عرفت مشاركاتك في مواضيع غير الشعر ولكن
إعزالله ماتجبين الا الكفؤ والله يوفق هالوجه تحيات
وتقدير اخوك سعيد وفي امام الله وحفظه


تقيييييم

الف شكر لك استاذي سعيد
وشرف لي ردك على هالقصيده
اسعدني جدا تواجدك العذب
دمت بكل خير

صح لسسانه وتسسلم الاياادي على النقل

بنت برقاا الله يسلم اخوك
وصح لسانه قصيده جزله
ومليئه بالحزن الموت حق
وكل نفس ذائقة الموت
رحم الله الميت ويسلم راس الحيه
لاهنتي على الطرح الرائع

صح لسانه وشكرا لك اختي على نقل القصيده الرائعه وبنفس الوقت حزينه
تحياتي ونقيمي

مااقول الا دايما مبدعه وتستاهلين احلى تقييم

نقل ثري ومرثيه تستحق القراءه

صح لسان شاعرها ولاهنتِ على هذا النقل الطيب

مشكوره اختِ على تألق وعظم الله اجركم في الفقيد ومعوضين خير بأذن الله

تقبل ي مروري وتقديري لطرحك المتميز

لاخلا ولا عدم

اخوك
ابومشاري

الله يرحم زوج أختك أختي بنت برقا
ولا شك ان فراق الغالي صعب وخص لاكان طيب الذكر
ومثل هــ المواقف تحرك مشاعر الشاعر وكانا صداها قصيدة
لأخوك الله لا يهينة على هــ القصيدة الجزلة والمعبرة والمؤلمة
تحياااتي لك

صح لسانه

ومشكورة

النص حزين للغاية يعبر عن الموضوع الي كتبت عنه

اشكرك