الشجاعه شيخ والحكمه عمامه

الشجاعه شيخ والحكمه عمامه

السلام عليكم ورحمة الله وبركاته


طال صبرنا و ( حمامة السلام ) لا يُسمع لها هديل
بالطبع فـ النصر لا يأتي من حمامه

قصيد تحكي عن نفسها يا عرب

وش يقول إللي حرب عينه منامه
....................... والخلايق كلبوهم نايميني
إيتعجب فالزمان وفي نظامه
...................فالركود من العرب والثايريني
ستة عقود العرب تبغى السلامه
...................من العداء لكن ما هم سالميني
يذبحون الطفل ما تمم فطامه
....................وشايبٍ حمله على عكازتيني
الشرف منهم لحق بَـنْيـه هدامه
.................كم شريفه دنسوها الغاصبيني
يا حمامه وين سِلمك يا حمامه
................... كذبةٍ خِدّر بـَها العقل الذهيني
لو يعوي الذيب في روس العدامه
................مافزع من جرة عواه الحصيني
وينه إللي بالظفر يكرب حزامه
.................. يعقد الراي ويحفظ المارتيني
يشتري موته ولا يشري إنهزامه
.......................يزهد بدنيا ولا يزهد بديني
واحدٍ يحمى التوالي فـ الجهامه
.................خصه الله من فلول الصالحيني
الأسد بالغاب من يجهل مقامه
...................محتمي غابه وحماي العريني
وشاعرٍ مايقرن الشعر بفهامه
...................ما يحصل كود نقد العارفيني
ما يدان العاقل إلآ من كلامه
.................. أو فعولٍ من فعول الخايبيني
زينة الرجال في زود إحترامه
..................ومنطق لسانٍ بمنطوقٍ رزيني
والخطا لا زاد حده و احتدامه
.................دون حلقي ماذخرت إلآ يديني
و الشداد لـيـَا تبدل بالمسامه
................ما بقى له قيمةٍ في وسط عيني
لو يذل الوقت راعين الشهامه
..................ولو يعز الدون و يعز الدويني
تحكم الوقفات وتبين العلامه
..................فالعضيد إللي عزومه ما تليني
الوفا يبقى في خد الطيب شامه
..................ولا يضيع الطيب عند الطيبيني
الشجاعه شيخ والحكمه عمامه
................والتصرف سيف يزهى باليميني
والضعيّـف ما وراه إلآ الرخامه
...................مافعل من خلقته فعلٍ سميني
الفتى يفنى و لا يبلغ مرامه
....................إنخلق من طين و يعوّد لطيني



فهد العباري

المصدر: الملتقى الجماهيري للشاعر محمد بن فطيس المري

الله الله الله الله
عز الله اني اول مره اقرى لهذا الشاعر بس يعلم الله اني اعجبت فيه
من هذه القصيده ياسلام ياسلام ابداع وروعه وتذوق وتميز من الاخ بنت برقا
لاهنتي على الطرح المميز والله يجعلك لنا وللمنتدى ذخر .

مشكور اخوي على المرور العذب كلك ذوق

يعطيك الف عافيه

شكرا لمرورك على موضوعي

يسسلمو أخـ.ــتي بنت برقا .ع. ألـآبيـ.ــات ألـرآقـيه ..
ويع ـطيكـ.ألــ؛ــف عــآفي ــه .ع.ماقدمتي ..
والله .لـايحرمنــ.ــا قلــــمكـ..
تقـــ؛ــبل زيـ.ـارتي ,,,

شكرا لمروركم على موضوعي وهذا شرف لي ووسام على صدري

صح لسان الشاعر
تسلميين ي الغلا
،،
،

حي الله الغاليه بنت العم منوره متصفحي لجمال حضورك العذب