هذي حروفي

هذي حروفي

عان القصيد الزين فوقي عانه
مادام من صوبي فتح بيبانه
وان كنت لا مستشعر ولا شاعر
اقرا قصيدي واستمع لالحانه
الفايده لا بد ما تاخذها
من راسي اللي زاد فيه جنانه
النظم وافي والمعاني جزله
والنس للحرف السوي شفقانه
اسلوبي اللي لخبط المعموره
هز الكيان العالمي واركانه
شاعر ولا في يوم شاعر ضده
لا صاد صيده ما عقب نيشانه
يبدي مبادي الذيب وقت الشده
في كل لازم ما تغير شانه
والبعض ياخذ من جزيل ابياته
ويخطها بسمه على جدرانه
كم بيت منه قد سرق واتصادر
والضيق في جوفه نشر طغيانه
وقت اللقى يركز شعاره دايم
فوق القمم ويماري بسلطانه
لنه شريف ورايته مركوزه
والعز ورثه من ظهر جدانه
مرموق في كل السبل متواضع
صادق ويظهر ما كتم وجدانه
والناس لامو فيه صدقه لنه
ما يقبل الباطل ولا خذلانه
نور البصيره في مخافة ربي
والعز للي عزنا بايمانه
واكبر هموم الشخص في ذا الدنيا
ضيم العدو ومماطلة ديانه
اثقل ثقيل الدين واثقل منه
صمت الفتى للي لفاه وهانه
والشور لا حد يستشير الحرمه
شور المره ملعون في طوفانه
شور المره لو كان صايب ياتي
باكبر مصيبه لو يبين احسانه
والهابي اللي العافيه بيدينه
والموت الاحمر يا عرب بلسانه
ثرثار في كل النوادي يخطب
كذاب ما بين لنا برهانه
واحذر من الساكت وحاذر ضيمه
السم كله ذاخره باسنانه
والطيب خله عملتك للعالم
ما دام عملات الردا خسرانه
والصفقه اللي فالحرام اتركها
خيط الحلال ان مر كل شي زانه
والكلمه اللي تخجلك بدبها
ما دام نيات العرب تعبانه
واحرص على ود القلوب وهلها
وان شفت لك مكروب جل احزانه
واللي قبل ذا يالسنافي كله
طاعة ولي العرش ثم رضوانه
اد الصلاه بوقتها واحفظها
يعطيك ربي عفوه وغفرانه
ثم الزكاه اللي فرضها ربي
تطهير مالك من قبل فقدانه
واما الصيام فهو لنافخ روحك
اللي فرض حسن الخلق باديانه
وان استطعت الحج وف اسلامك
ما دام روحك بالهدى ديانه
والبر بر ابوك وامك واهلك
والحب لارضك راسيه سيسانه
والشوق خله في مخافة ربي
تسلم وعيده في رياض جنانه
والخوه الزمها لكل سنافي
والنفس تاتي دايما خوانه
وان نامت عيونك على خوف الله
آخير من شكه وهي سهرانه
كونت لك بعض القصايح داخل
قلب من مريض من عظيم ادمانه
مدمن على نظم القصيد ومسرف
ومشطب الشعار من ميدنه
يرضي هواه بكل بيت يصوغه
حتى غدا الابداع له عنوانه
هذاك ناصر بن حسين الهندي
نسل الشريف اللي نثر قيفانه
صمته رزيه وان تكلم آفه
وان سطر ابياته تجي رنانه
عذب جمال الحرف

المصدر: الملتقى الجماهيري للشاعر محمد بن فطيس المري