قصيدة / الخوخ والرمان والثلج والتوت نايف عرويل العتيبي

قصيدة / الخوخ والرمان والثلج والتوت نايف عرويل العتيبي

قصيدة / الخوخ والرمان والثلج والتوت



للشاعر / نايف بن عرويل العتيبي



ياالي تجرين الهمـر وسـط بيـروت


مالمتـك مـن عيـن غيـري عباتـي


لكن تعالـي بتـرك الخلـق للمـوت


وباتي على حضي من النـاس باتـي


ببيحلك شـي ٍ مـن العـام مكبـوت


وبلقي على ساحر عيونـك عصاتـي


الـي بـأذن الله تقلـب الـى حـوت


لو كـان مالـي بالنبـوة صـلا تـي


لكـن شعـري در مرجـان ياقـوت


والطيب دربي والعطى مـن سماتـي


وشعر ٍ بلا معنى مع الناس ممقـوت


وشعـر ٍ فغيـرك مايجيلـه حلاتـي


جسمك على ذوق المحبيـن منحـوت


ووجهـك يلـم مباعـدات الشتـاتـي


الثلـج والرمـان والخـوخ والتـوت


والقوس والخنجر وسيـف الزناتـي


ورمش ٍ ليا سلهـم تقـل بالبراشـوت


ينـزل علـى رتـم الثقـة والثباتـي


واليا ارتفـع يفتـح ثمانيـن تابـوت


اكتب قبل ترفـع رموشـك وصاتـي


والعنق عنق الريم لا سمعت الصـوت


ولبـة نحـر تشبـه عبـال الفلاتـي


وباقي وصوفك كلها سحـر هـاروت


في وصفها ذالوقـت ماهـو مواتـي


لاكن تعالي قبل لا وقتـي ( يفـوت)


واسترسلي في زيـن قولـك وهاتـي


وش جفلك من ديرة عقـاب يانـوت


ماعوضت (عالييه) رجـم السراتـي


ووراك عارضتي هل الصوت بسكوت


وزينـك تعـرض للريـاح العواتـي


انا اعرف ان الناس لا لبست الكـوت


تبغي دفا ماهيـب تبغـي عراتـي!!


وانتي لبستي كوت والكوت بسبـوت


كوتـك فـرو لاكـن فـروه شتاتـي


لبسك بوسط الريح والثلـج مشمـوت


وانتـي مزاجيـة سواتـك سـواتـي


ليش الهمر ماهوب لكزز ولا حـوت


ماصنعـوه الغـرب لجـل البنـاتـي


يعني بدي شمعـات تنـده وكبـوت!!


وشلون تاتي بـس وشلـون تاتـي؟؟


وختامها لو صحت في عالي الصوت


مالمتـك مـن عيـن غيـري عباتـي

المصدر: الملتقى الجماهيري للشاعر محمد بن فطيس المري