مقتطفآت شعريه لـ الشاعر بركات الشمري.

مقتطفآت شعريه لـ الشاعر بركات الشمري.

صباحكم / مسائكم سعادهـ

مقتطفات شعريه لــ الشاعر بركات الشمري
واتمنى ـآ ان تنال اعجابكم

قراءهـ ممتعه لكم

تشبهين ..!
صبح " عصفوره حزين " !
صبح يشبه في عيون الراحلين : الراحلين !
صبح يشبه وجه أمي ،
كف أمي ،
والحنين ..!
صبح يتنفّس ورى عيونك هواي ..
صبح لارحتي و(أنا ) ماني معاي ..
صبح آهات وتنهّات وأنين ..!
ألبسي ثوب الفراق وروحي غيبي ..!
واتركيني عند طيفك لاندهني .." ياحبيبي " !
ولا تجين ..!
قولي مات ..!
قولي عايش بالحياة .. ابلا حياة !
قولي جاني في صباح وصار " عصفوري " الحزين !

وطار عصفوري الحزين !!

واسمعي حزنه ، وترنيمة بكاه ..
.................. واغفري له قلبه القاسي عليه ..

من مع جرحه ومن باقي معاه ؟
.................. من يبي فرحه ومن باقي يبيه !؟

مرّ يندهلك مع النسمه .. لقاه !
.................. ياسه البائس وتلّه من .. يديه !

وكل من مّر وسمعْه يقول آه
.................. قال في تنهيدته ... الله عليه !!

طفلتي صبّي من احساسك حياه
.................. وارجعي صبّي من الهيمان تيه ..

شاعرك لو ماكتب لك من قراه

.................. والا من يفرق شعوره عن حكيه

قبل ( أحبك ) مالها داعي الشفاه
.................. بعد ( أحبك ) مالها داعي الوجيه !

هذا أنتي ..!
ماتغيرتي كثير ..!!
تاخذين " الصبح " من كفه !
ومن كفه أطير !
وتقلبين الريح مشهد : من مواويل وعبير !
وهذا أنتي تسأليني : صح أنا وحدي الأميرة ..!
وانت لي وحدي .. الأمير !!؟
ماتغيّر أي شي !
" بس أنا أحبك كثير " !!!
كثر ماهي سوّرت هاك المواني
.. / هالأماني !
كثر ماغنت بك اعروق ومحاني !
كثر ماقلت لغيابك ..
" بس ثواني " !
كثر ماناحت على الأغصان .. ورقا !
وكثر ماقلت بخفوقك :
" لازم ابقى " !
كثر دمعي
كثر جرحي..
../ كثر ماني فيك أشقى !
كثر ماحسك وانا غايب .. معايا !
كثر مانمتي ..
ورى هاك الحنايا ...!
كثر ماني أنكسر عند ... الزوايا !
كثر ماني أبتسم !
لاجيت اضمك ..!!
وكثر ماني أنطوي .. لاعشت همك !!
وكثر ماني آتشتت ..!
لاجل ألمك ..!
كثر ماغنيت لك .. " يالله تعالي " ..!
نوريني .. سود بعدك .. !
هالليالي ..!
كثر ماهزيت لك غصن الشعور ..!
كثر ليل ..!
وكثر نور ..!
وكثر ماقلتي : " تجي مره نطير " !
نرسم الدنيا مواويل وعبير ..
وآنا بس وحدي " الأميرة " !!
وأنت وحدك لي " أمير " ..!
وكثر ! .................. ما "احبك كثير " ..!!!

ولا كلمة !

أبسمعها .. من عيونك !

أبي تنطقها .. بجفونك ..!

أبي هالليل .. من دونك يدوّر عن .. دفا حلمه !

أبسمعها ..!

وابتبعها ..!

وابي تنثرها في روحي ..!

عشان إن غبت عن عيني .. أروح بلهفة واجمعها ..!!

أنا وإن غبت ( مابيني ) !!

ولا تسأل بعد .. ( ويني ) !!؟

لأن إن جدت بغيابك .. وربي ماأحس ( فيني ) !

ولا كلمة !

أبيها من كحل عينك !

أبيها من دفا .. ايدينك !

أبيها .. لاطغى زينك ... وهد ّ الروح .. من ظلمه !

أبيها لاتقابلنا ..!

وعلى أنفاسنا ... مِلنا !

أبيها .. لاابتسم قلبي .. وحنا بحب .. مازلنا ..!!

أبيها .. إن سال لك .. دمعي !

وصوتك .. يشربه .. سمعي ..!

أبيها .. لين مانسكت ولانلقى ...

ولا كلمة !!

تعالي .. وامسحي دمعة من عيون ٍ ... بكـت فرقـاك

............ تعالي .. قبل ماأصبح .. فـ عالم حزني ... المسجون ..!

عجزت اضحك على قلبي واقول إنـي قـدرت انسـاك!

............ أبي أنساك ! لكنّي مع نفسي ... أقول .. اشلون ..!!؟

بعد ماضيّعك قلبي ... بعـد هالوقـت ....../.. مـاودّاك

............ تلطّم .. وجهي الباسم .. وفرّع / وجهي .. المحزون ..!

تعالي وانزعي جرح ٍ نمى ف ضلـوع .. مـن يهـواك !

.............. أنا من ( طحت في يدّه ) ظلمني ظلم ! ../ هالملعون ..!!

تعالي لملمي شتاتي .. أنا بعدك ... هِنـا ... وهنـاك !

............ وعمري .. ( يابعد عمري ) .. هواجيس وتعب وظنون !

على كثر الهموم اللي تجول فـ خاطـري ... لرضـاك !

............ أنا مالي جدا .. ياكود .. قولة ..... (ماعليه تهون ) !

إنكساره !!!

لو تبي ... قول إندثاره !!!

حزن أسود

من يمينه ... من يساره

آه والمسكين قلبه

في وهم هم الزمان

ينتظر قلب ٍ يجي ياخذ بثاره

طاح حلم ٍ كان يبنيه فـ خياله

عزتي له !!!

حالته ياخوك ... حاله

لاتلومه !

ضاع منه راس ماله

وش كثر يتعب..... وهو شايل فـ قلبه

ضيم أصعب

مثل طفل ٍ ... فارق امه ..

من يضمه ؟؟

من الشتات .. منهو يلمه ؟؟

من يعزي ميت ٍ في ثوب حي ..

إنزوى باقصى الظلام ..

ينتظر للنور ..... ضي

أسمعه يصرخ :

أنا من وين أمشي ..

والسهر نايم برمشي ..

مسكين

ماأقسى لحظات انكساره

كل هذا ..

وراح يبحث .. فـ الليالي

.. عن نهاره !!!

لا ظميتك أشربك واظماك أكثر

ولافقدتك ..

أتبعثر..

...... واتبعثر ..

................. واااتبعثر

تذكرين وإلا نسيتي ...

يابعد حيي وميتي

يوم أشرتي على قلبي وقلتي لي ...سؤال ؟؟

((( هذا بيتي )))....؟؟؟؟!!!

يومها غنيت للصبح الأغاني

يومها زفيت للشوق الأماني

تذكرين .... ؟

يوم جيتي تسألين

عن طفل يسكن ضلوعي

كيف حاله .... ؟؟؟ وش جراله ...؟؟؟

وانا جاوبتك..." حزين " !

في بعادك

لملمه ذاك الشتات

حي لكن أغلبه

.... يابنت ..... ماااات !

تذكرين المزهريه !؟

يوم جبتيها ...هديه !؟

وأنتي قلتي :

" ياحبيبي هذي لك ..بس أنت ليّه " !

واذكر إني بلا شعور

قلت واشواقي تفور":

أعطني حريتي ..(( بس )).. لاتطلق يديّه !

يمه وينك !؟ =(

آنا بنتك .. " ضي عينك " !

شوفي وش قرب المسافة بين أهدابي وبينك !؟

بس ّ يمه أنتي وينك !؟

يمه قومي !؟

توني أصحى على الدنيا .. دخيلك لاتنومي !!

من يرتب لي الدفاتر !؟

من يبدّلي .. اهدومي !!؟

يمه بدري .. والله بدري ! آتهجّاها اهمومي !

يمه مات !

كل شي ٍ كنت أحسه " حي " في هذي الحياة !

" الأمل في رجعة الأحباب "

" صوت الأمنيات " !

وكل شي ٍ كنت أحبه ..

مر ..

ودعني ..

وفات !

طفلتك ماعاشت " إحساس" الطفولة !

............. فاقده في هالزمان ... إحساسها !

شافت إن الصبح ..... ماتقدر تطوله !

............. وازفرت .. ونّه ! ورى أنفاسها !

واحضنت هالليل والورد ..... وذبوله !

............ لين مانامت ...... على كراسها !

ماستحى منها الحزن .... هاك الخجولة

............ ولاطرى يرحل ويبعد ... ياسها !

فيه شي ٍ لو قدرت إني ....... أقوله !

............ كان شفت الناس ... حبّت ناسها !

يمه ضميني بـنام !

خايفة أبقى لحالي عايشه وسط الظلام !

عام مُرّ ..

ومر ّ عام ..

وآنا كل ليلة أتمتم : بكرى تذبح لي حمام !!

يمه وينك !؟

ماتت اللهفة بيدّي .. تنتظر لهفة يدينك !

يمه خوذيني معك ..

بس اشوفك .. واسمعك !

ودي لو أقتل بصدري هالسؤال :

يمه ويييييينك !!؟

المصدر: الملتقى الجماهيري للشاعر محمد بن فطيس المري