شــوفــي فــؤادي لــو دعــيتيه ؟ لباش

شــوفــي فــؤادي لــو دعــيتيه ؟ لباش

طيفش بفكري كل ماجاه تشويش

قــمــت أتــبــيـن لجل (الإرسال) يبقاش

من قال لـــش إنــي كرهتش ولابغيش.؟
وشــلـــون وانــــا كــــل لـــيــل أتحلاش ؟

حـتـى بـحـلمي طيف أحنش وأداريش..
وأفــــز مــن نـومـي على رسم ذكراش

يـــعــنـي الـلـيـالي كلها جيت ساريش..
وأيـــام عــمـــري كــنــها تـبغي رضاش

كـــن الـــدقـايـق فـي غيابش تناجيش..
وتــقــضــي الثواني للزمن دونش بلاش

في(مصر)لعيونش من الشوق شاويش..
(وبـــســوريـا) كن الغـلا شايب (الباش)

والــحــب جــمــه كان(بـيروت) ترضيش.؟
(الــرافـدين) ومــلـك (الأتــراك) تـفداش

بــيــن الـعرب ولا العجم من تساويش.؟
لابــنـــت (حــاكــمـهم) ولا بنت (فراش)

يـــعــنــي(أمــيرات)و(مــلوك)و(دراويش)
مــابــيــنــهــم مــنهي تكمل سجاياش

يعني سواش أنتي من البيض مافيش..
من بدوها إلى حــظرها لأسفل الطاش

يعني ســرحـتش بالغلا وجيت ضاويش..
أمــاكـــــذا ولا حـــيــاتــي عــلى ماش

كــنــه بــشــريـانـي وفــي دمي يعيش..
الود لش مــن دون غـيرش من سواش

حتى ولو رحــتـــي وانا رحت ؟هاويش..
شــوفــي فــؤادي لــو دعــيتيه ؟ لباش

لايــــحـزنـش حـكيـه يــحبــش ويغليش..
حــتــى ولــو مـوته من أسباب يمناش

وزلت لسانـه أمـس (ياعـيـون مغليش)..؟
أكـــبــر دلــيــل انــه يـمـوتش ويحياش

المصدر: الملتقى الجماهيري للشاعر محمد بن فطيس المري