أخذيني

أخذيني

أسعد الله أوقاتكم بكل خييييير

/


/

/




أخذيني اليـا عجبتـك بـس ردينـي
وان ماعجبتك خلاص اخذيني.. مابيني

مادامني شفت فيـك الطهـر والعفـة
باعيـف نفسـي ليامنـك كرهتـنـي

اخذيني لو اعتبر من ضمـن اشيائـك
وانـا باحـبـك ولا لازم تحبيـنـي

لابي علاقة ولابـي نظـرة وبسمـة
احساسي اني بقربـك بـس يكفينـي

لو اني انضفت لأشيائك غصب عنـك
طلّـي علـي ياغناتـي لاتخليـنـي

تراي لاجـا المصامـد مانـي بهيّـن
تقـول كـن العـرب لعبـة بيدينـي

شخصيتـي مـن غرابتهـا وطيبتهـا
كن الزمن في تحـدي بينـه وبينـي

اخذيني الشاعر اللي ماصـدق حظـه
لاقلت: ياحظ وينك!! قال: ياوينـي!!

اخذينـي المبـدع المتفلسـف التحفـة
مؤمن وتضحك على العالـم شياطنـي

شهرة شكسبيـر وافلاطـون ونيوتـن
لاقلتي بيت شعر تطيـح مـن عينـي

واخذيني العنصر اللي صدق متعنصر
من دون ربعي لـو اقطـع شرايينـي

واخذيني اللي اليا منه طلـب يُعطـى
وتكفيـن لامـن طلبتـك لاترديـنـي

تكفيـن ياغايتـي يابهجـة الدنـيـا
ابحـرق قلـوب نـاس ماتدانيـنـي

اخذيني بكـل شـوق وقولـي: احبـه
وان شككوا فيك ولا فـي.. ضمينـي

قولي: سعـد والله انـه غاليـاً جـدا
وياجعل فدوه شبابـي واخـر سنينـي

وانا باصـدق كلامـك واعتنـز بالله
وباقول: للنـاس مايعنيـك.. يعنينـي

وانا علـي نـذر مارخـص جيتـك
وانتي نذر على رقبتك انك ماتخلينـي




للشاعر المبدع /سعد علوش

نآٌقلها لكم أخوكم

سعد

المصدر: الملتقى الجماهيري للشاعر محمد بن فطيس المري

صح لسان الشاعر على هذا الابداع ولم يكن تقليدي مقيت بل مجدد

لما يقدم من روائع القصيد ومتميز بالتصوير الجميل

وهنا ينم الاختيار على الذايقة المشرقة بما تضمن من سبر اغوار الابداع

يالبا الاختيار ياشاعر كلي مشاعر سعد علوش الفيلسوف يالبيه

اشكرك على نقلك للقصيده

تحياتي لسموك

.., شاااعر

االله ااالله عليك يامبدع اخترت فأبدعت

سعد علوش ..شاعر مميز

استمتعت بمروري هنا تحيه لك

صـــــح لـــســـان الــــشـــاعــــر
وســلـــمــــت يمينكـ يــاشاعـــر...
قصيدهـ حــلــووووهـ
يعطيكـ الـعـافـيـه

عاد سعد علوش مايحتاج

اشكرك اخوي على جميل الاختيار