اجرحيني

اجرحيني

كتجديد للمحبه والإخاء .. يشرفني ان اقدم لكم هذه القصيده
.. طبعا القصيده من الارشيف ..
لا تبخلون بردودكم

إجرحيني جرح يبقى فالصميـم
ليه ؟ ما ادري بس ودي بالعنا

من عذابك أشهد اني في نعيم
إجرحينـي بالسيــــوف وبالقنا

وين وجهك ياجميله من قديـم
ليه تخفيــــنه علامك يالضنا ؟؟

لو يناظر مبسمك رجلٍ حكيـم
كان سافر تمشيه ( وادي بنا )

ولو يناظر شفِّتك طفلٍ يتيـم
كان بدَّل دمعة الحزن بهنا

ولو يناظر حاجبك شيخٍ عليـم
كان راح ( القاهره ) يشكي الونا

ولو يناظر خدك إنسانٍ سليم
كان موته من حياته قـد دنا

ولو يجيك البدر بالليـل العتيـم
مابدى للنـاس فالعتمه سنا

ولو تطل الشمس بعيونك تهيـم
ثم تقـول بصوتهـا ( الله لنا )

عايذ بربي من إبليـس الرجيـم
في عيـونٍ ناظـره لا عندنا

إجرحيني جـرح يابنتٍ أليـم
لين أقول بغيبتك من هــو أنا ؟؟

وسلامتكم جميع

المصدر: الملتقى الجماهيري للشاعر محمد بن فطيس المري