يـامغيّــــرة المفــــاهيــم

يـامغيّــــرة المفــــاهيــم

لأظلمـت سـود الليالـي علـى زرق البحـور
مـاحـســبــت حـــســاب ليلى ولامجنونها


أحـسـب احساب الهبايــــب مضيّقة الصدور
والطروق اللي تغث الـكبـود لحـونــهــا


خايف انها تثني الغصن واتطير الطــيـور
واتورّط في هــقاوي الــعرب وظـنـونهــا


والـعواذل من بغوا منه ماهو بـمـعــذور
مــايــبــونــه من وراها ولامن دونهــا


يـامـغـيّرة الـمـفاهـيـم في بعـض الامور
ودّكـم ترضونها والاّ مـا ترضـــونـــهــا


قبل لايـحـرجـكم الــوقــت والدنيا تدور
لاتحّون المخـالـيق وتـردّونـــــهــــــا


من قراله كلمة غامـضه بـيــن الـسـطـور
لد عينه مع خبول ٍ تــلـــد عـيـونــهـا


والاّ حــنّـا مـاخبرنا حصـل منّا قــصــور
اسمعوها واتركوها عـلى يــكــونــهـــا


لاتحـسـبون الدقايق وتـنسون الشـــهــور
وان بقى للوقت قيمه فــلا تـنـسـونـهــا


ولاتثيرون المشاعر بتجريــح الـشــعــور
وتـكـبر الدعوى عليكم وهي يـاهـونـهــا


والنهايه كان تبغون مـن الاشــوار شــور
الجمايل قدّموها لاجل تــلــقــونــهـــا


الشاعر : سعد بن مناحي بن شفلوت


رآآآآآآق لي ,,

المصدر: الملتقى الجماهيري للشاعر محمد بن فطيس المري