ماني بشـــــــــــــــــــــــاعر

ماني بشـــــــــــــــــــــــاعر

ماني بشاعر ولا يطربني الا انتي=اي يعلم الله ماغيرك ولامثلك
يابو العيون الوساع الكحل كحلتي=واعتمتي الليل من عينك ومن كحلك
ويابو الخدود البياض الحسن جملتي=الصبح في طلتك والشمس من قبلك
ادميت رجلي على شانك وراحلتي=ياجعل رجلي وراحلتي فدا رجلك
ايبالله اني عشقتك لين جننتي=افكار معشوقك الي عقله بعقلك
مجنون ليلى تنبى قبل لايعتي=عن قصتي يعني انا عشقك وخبلك
ويابو النهود الثمينه وين مارحتي=ثمينةٍ من عطـا الله ويشهو دخلك؟
اخذيني الي تبينه لاتضايقتي=وانا على كيف ماتبغي موقفلك
اهمشيّ الجفا والقطع لاطبتي=والله والله للعن لك ابو شكلك
يابو شفايف ليا منك تدلعتي=ريقك عسل والنحل من حلوها نحلك
حبيبتي يابعد عمري من ارقبتي=اخذي معك روح يوم الوعد تكتبلك
حبيبتي من صفا عرقي ليا حنتي=من شربة الماي مايرويك يشربلك
حبيتي في شبابي حلّي آخرتي=واخذي العمر لابدا عمرك يشيبلك
حبيبتي من يدي لحدي ومقبرتي=ومن يدينك تراب القبر ينصبلك
حبيبتي والعذارى لاتنقبتي=راحت وطي في العيون الي تنقبلك
حبيبتي والعذراى لاتبرجتي=تتعب على الروج والمكياج من اجلك
حبيبتي والعذارى لاتعطرتي=تشكي على الورد قبل تجي وتنشبلك
حبيبتي ماتصورتي تصورتي=لاقالوا اسمك وجابو طاري من اهلك
حبيتهم كلهم غرتي وماغرتي=اغلط مع البعض لاقالوا لي من اصلك
حبيبتي ياورق شعري وهوجستي=مايطرب البال غير الي يناسبلك
انتي المشاعر وموهبتي وذاكرتي=وماينحسب من قصيدٍ راح يحسب لك
ماني بشاعر ولا يطربني الا انتي=اي يعلم الله ماغيرك ولامثلك

المصدر: الملتقى الجماهيري للشاعر محمد بن فطيس المري