هذي جزاتك ..

هذي جزاتك ..

الله يجازي من يسوّي سواتك=وبذنووب من سوّا سواتك يجازيك
مشيت درب الثقل وتحب ذاتك=ماتدري انه للمهالك يوديك؟
وغرّك جمالك...يا خسارة حلاتك=ماتدري ان ماغير طبعك يحليك؟
بتقول زينك يشفع لسيئاتك=الحسن ماهو عن وفا الحب يعفيك
لو التواضع والوفا من سماتك=بعت الحبايب كلهم ..دين..واشريك
لكن عجزت اغيرك ..يا جراتك =على الغياب اللي بلا عذر ينجيك
خطاي....في توضيح وشي غلاتك=وخطاك....في توضيح وشو تغليك
مافاتك التجريح...والعذر..فاتك=وتبغي رضاي الحين!! ماعاد يمديك
صحيح احبك .. بس هِذي جَزاتك=باعلمك درس ٍ يفيدك ويحييك
تدري وش ابيض من خفوقك؟؟...عباتك=وتدري وش اللي غرني؟؟...نظرتي فيك
ادري بتستغرب..تصّبر وجاتك=قصيدة ٍ من واحد ٍ كان يبغيك
وتبغي تناظر وانت عايش مماتك=شف وحدتك والناس تجلس حواليك
وتبغي تشوف اشجع رجل في حياتك=شفني......وانا راحل...على كثر ما اغليك

محمد بن حمد

المصدر: الملتقى الجماهيري للشاعر محمد بن فطيس المري

مبدع يا بو حمد

صح لسانك ملايين

" عيوني حزينه"

سلمت يمناك و لا هنت

.
.
صح الله ألسان أبو حمد
قصيييدة ٍ جزلة من شاعرنا الجزل .

لاهنت أبووي ,,

طرح رآقي لايليق إلا بحضووووووورك الجميل ..
دمت متألق ..
مودتي ..

....الله ع هالقصيده المميزه ... اعجبتني بكل امانه .... صح لسان شاعرنا ... والله يوفقه

لاهنت ع كتابت القصيده ... واصل ابداعك ... تقبل مروري

اباااااع بس فيه ملاحظه
الشطر الاخير مو شفني ومانا راحل
شفني وانا مقفي على كثر ماغليك
ملاحظه توجد اخطاء كثيره بلقسم ذا

عيوني حزينه

لاهنت على النقل

تحيااااااااااتي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تقبل مرووووووووووووووري ياصاحبي

صصصصح لسٍآآآنـه بو حمد

دومه مبدع بن فطيس

الله يعطيك العافية

ولآهنت ياارب