اللي على راسه بطحا

اللي على راسه بطحا

بالله يا ذا المنتدا ويش سويت=تشمت بنا المترديه والنطيحه

من ضيم ذا الدنيا لك الله تقهويت=حتى نثر جوفي هموم القريحه

ما اشد عزم ولا بمره تقويت=الا على روس الجبال الصريحه

واليوم كني بين الاجواد غويت=طالع علي من بعض الاعضاء ريحه

انا اشهد ان البعض يحتاج تشويت=حتى يفكر بالمعاني الصحيحه

انا على مبداي ما قد تجلويت=لين الجسد يلقى قضاه وضريحه

والا انت يا ذيب الفلا كان عويت=خل الغشيم يزيد فينا نبيحه

وان كان ما وضحت يا ويش ضويت=الا هوان عقول دايم شحيحه

في غير رجوا الله ما قد تلويت=ربي عظيم الشان داره فسيحه

وان كان في بعض القبايل تشويت=ما اخذ سوا روس القبايل ذبيحه

كني شهاب الجو في يوم هويت=واخلي النفس العليله طريحه

اهدي الموضوع لا من تنويت=واخلي الانفاس مني جريحه

شاعر وكم من بين ذا الناس غويت=والذود بين في طرفها منيحه

احمي مياسمها وكم خد كويت=قبل اني اسمها بجمر النصيحه

بالله يا صوت الرعد يوم دويت=هل جا دويك زي صوت الفضيحه

يا ما معى ذا القوم والله ترويت=من قبل لا ضربي يبين نقيحه

واليوم يا ذا المنتدا ويش سويت=تشمت علينا كل نفسٍ قبيحه

المصدر: الملتقى الجماهيري للشاعر محمد بن فطيس المري

صباح الخير ..
قصيدة جزلة ؟؟
لاكن تكفى لا تسب منتدى ابن فطيس

اقتباس المشاركة الأصلية كتبت بواسطة ناصر الشريف احمي مياسمها وكم خد كويت=قبل اني اسمها بجمر النصيحه بالله يا صوت الرعد يوم دويت=هل جا دويك زي صوت الفضيحه

صح لسانك

ابن جريبان صح بدنك ولا هنت على المرور
والاقتباس

الله يسعدك ناصر وصح لسانك
والله الكل له مكانته هنا
واللي انا الاحظه الكل يحترمك لانك انسان محترررم
سوا بقصائدك والا غيروووو

الله يعطيش العافيه يا ريما

وصح بدنش اما من ناحية التعليق الباقي ماله داعي

كلا اخبر بنفسه

صح لسااانك ع هــ الجزلـــهـ

.................................بالتــــوفيق

منتظرين الجديد

تحيااااتــــــــــــــــــــي

ناصر الخليفي صح بدنك ولا هنت على المرور الجميل

تقبل تحياتي وخالص تقديري

لاهنت وصح لسانك

صح لسسسانك
ولاهنت
تقبل المرور