يآ صــــاح جنب لآتجي مرتـع آلريـم .....!

يآ صــــاح جنب لآتجي مرتـع آلريـم .....!

ياصااااح ..
جنب لاتجي مرتع الـــريم ..
حـاذور من سهمن مع الجو طايش..
***
سهمن من اقواس الحدق فيه تسميم..
جرحة عميق .. ويودع الفكر دايش ..
***
يرمية خشفن مايهــــآآآب المواثيم ..
توه صغير السن بالزين شــــــايش ..
***
والا عنود تدهل القلب وتقيم ..
ترعى الحشا بين الضلوع المشايش ..
***
لجل العيون اللي هدبها صواريم ..
من لاعته ناشه من الموت نايش ..
***
كم فارسن قبلك تجزع من الضيم ..
مطروح لايقوى ولاهو بهــــايش ..
***
تعرضن له ضامرات .. المحازيم ..
اهل القدود المترفات النشايش ..
***
وتبششن له بالثمان المناظيم ..
واثر البلاء من عقب هاك البشايش ..
***
كم ضحكتن سرت قلوب الشغاميم ..
وعقب الطرب ولع وصارت بلايش ..
***
هذا "لهوى"
مبــداه /.. قطرن من الغـــيم ..
واتــلاه /.. ســم من سموم الهوايش ..
***
العشق واهل العشق سقم ومساقيم ..
كم واحدن ميت ولو كان عايش ..
***
انشد عليم.. وخل عنك التواهيم ..
واحذر ولوحاشك من النفس حايش ..

راااااااااااااااااااااااااااااقت لي
((خالد بن سعود الكبير))

المصدر: الملتقى الجماهيري للشاعر محمد بن فطيس المري