[ اساديه لين تبين لي ضحكـة سنونـه] !

[ اساديه لين تبين لي ضحكـة سنونـه] !

،

انا هاظنـي نـوًّ تـرازم ولا هطـل
سرى ليله يعقرب سنا البرق فـمزونه

وانا في ديار الغـرب ياجعلهـا المحـل
وشفقً عليـه وشعبهـا مـا يدانونـه

وشوفة ربابه من سحابه الـى انعـزل
يهيّظ منيع السـد ويبيـح مكنونـه

تحملت صبرً كايـدً يرهـق الجمـل
وغيري لو انه يحاوله كلّـت امتونـه

ودمعي على الحاجر تكامل ولا نـزل
وصدري يلج بونـةً هـزت اركونـه

على واحدً ودي بقربـه ولا حصـل
غدت نازحات البين والياس من دونـه

فلا امحق من الغربه سوى قطعة الوصل
ولا امحق من الثنتين لا جات مقرونـه

صحيح الجنوب اليا تناحا بهـا المحـل
تغير قلوبً كـان بالـود مسكونـه

وذي حالة العشاق من سالـف الازل
يقاسون شيً غيرهـم مـا يقاسونـه

رحلت وغرامه باقيً ما بعـد رحـل
مسكته مثل ما يمسك الباب كيلونـه

بقصرً رسا فالقلب ما هـزّه العـذل
تزول الجبال الصم ما زالت احصونـه

ابو شفّةً لا عض فيهـا مـن الخجـل
وقامت تداعب روس اقاذيله عيونـه

تأكدت من صحة (من الحب ما قتـل)
وسلمت راسي راضي لسيف قانونـه

اداريه لا يزعل ولامـن علـي زعـل
اساديه لين تبين لي ضحكـة سنونـه

وذالحين حال الحول لا ارسل ولا اتصل
ولا دز مندوبه ولا اعـرف وشلونـه

كريـمً بصداتـه وفمواصلـه بخـل
وهو خابر اني كل ما احتاجني عونـه

وأنا في رجا لاماه لو طال بي الاجـل
ولو طوّل اصدوده فـلا والله آخونـه

جرى ما جرى والآدمي في رجا الامـل
ولولا الامل مات الفقيّر مـن ديونـه

أبشكي على الله ثم ابشكي لـبن سهل
كريم النبا اللي كـل ربعـه يودونـه

وانا عارف انه هاجـرً وادي الغـزل
ولا ودي آهيظ على الماضي اشجونـه

ولكن عسى المردود لا جا من الجـزل
يعالـج مريـضً ناقـلً داه بردونـه

[]

المصدر: الملتقى الجماهيري للشاعر محمد بن فطيس المري